|
 |
|
|
|
DEBATFORUM |
|
Regstellende Aksie
Jacob Zuma, ANC-leier, glo nie dat die uittog
van wit Suid-Afrikaners uit die land die gevolg
van regstellende aksie is nie.
Dít is wat hy verlede maand tydens sy besoek aan
New York aan Amerikaanse beleggers gesê het.
Hy het verder gesê dat dit wel so is dat 'n
groot aantal vaardige en opgeleide Suid-Afrikaners
die land verlaat en dat dit wel 'n bron van
kommer is, maar dat diégene "meestal swart" is.
Sy boodskap aan die Amerikaners was dat die tyd
nog nie ryp is om regstellende aksie te beëindig
nie. Dit is in direkte teenstelling met wat hy
vroeër die jaar tydens 'n ete-funksie aan 'n
groep wit Suid-Afrikaanse sakelui gesê het.
Oor opposisiepartye is Zuma se mening dat "geen
ander party 'n beleid het, of kan ontwikkel, wat
suksesvol met die ANC kan meeding nie".
●
Wat is jou mening oor Zuma se uitlatings verlede
maand in Amerika?
●
Stem jy saam dat dit nie regstellende aksie se
skuld is dat wit Suid-Afrikaners die land
verlaat nie?
●
Is jy 'n emigrant? Wat was jou redes?
●
Voel jy dat regstellende aksie steeds
geregverdig is?
●
Het regstellende aksie jou al direk geraak?
Neem deel aan die debat en sê jousê! |
Ontbinding van Skerpioene
Die ANC-besluitnemers wat aan die regering
voorskryf wat om te doen, het hul sin gekry: die
Skerpioene is nou finaal ontbind.
Toe laat die DA-leier, Helen Zille, die bom
afgaan: Gwede Mantashe, sekretaris-generaal van
die ANC, het aan haar erken dat die Skerpioene
ontbind móés word om ANC-lede teen vervolging te
beskerm, sê sy in haar weeklikse e-nuusbrief.
Bedrog, diefstal, korrupsie en betrokkenheid by misdadige bedrywighede soos dwelmhandel is maar
net 'n paar van die sake wat tans deur die
Skerpioene teen hooggeplaastes binne die ANC
ondersoek word.
Zille sê die ontbinding van die Skerpioene is
maar net nog 'n bewys van die ANC se veragting
van die parlement, die Grondwet en die fmening
van Suid-Afrikaners.
Pieter Groenewald van die VF Plus sê die
wetsgehoorsame mense van Suid-Afrika is nou die
verloorders en die misdadigers die wenners.
Volgens hom is die sein wat die ANC uitstuur
duidelik: Ons verpolitiseer die kwessie van
misdaad in Suid-Afrika en ons boodskap aan
misdadigers is dat ons aan hulle kant is.
●
Wat is jou mening oor Zille
en Groenewald se uitsprake?
●
Was die ontbinding van die
Skerpioene 'n stap in die regte rigting?
●
Wat, volgens jou, is die
werklike rede vir die ANC se intense haat vir
die Skerpioene?
Neem deel aan die
debat en sê jousê!
(Was jy dalk 'n lid
van die Skerpioene? Vertel ons van jou ervarings.
Stuur jou storie aan
redaksie@jouwereld.co.za.
Ons wil dit graag hoor en met ons lesers deel.)
|
Rugby
Die Curriebeker het ‘n nuwe staanplek en die
Springbokke is in Europa. Wat is jou mening
oor die huidige stand van rugby in
Suid-Afrika?
Stem jy saam met die Bokkeuses? Was dit nie
dalk ‘n te groot waagstuk om John Smit en
Ruan Pienaar buite hul posisies te laat
speel nie? Brian Mujati het nie dié jaar
deurgangs oortuig nie – tog is hy in die
span. En Earl Rose? Is sy spel nie dalk nog
te wispelturig vir ‘n nasionale span nie?
Dan is daar ook Chilliboy Ralepelle – en
baie mense sê hy is beslis nie een van die
beste hakers tans in Suid-Afrika nie.
En so het die Curriebeker-finaal gekom en
gegaan en die beker staan steeds nie op sy
“regmatige plek” nie – soos daar in sommige
kringe gesê word.
Blou Bul-afrigter Frans Ludeke het vir seker
‘n nuwe dimensie onder Pretorianers gebring:
en dit is om nie na elke verloor-wedstyd
verskonings te soek nie.
Dan is daar die een groep wat sê die Blou
Bulle se agttal is opgefrommel, en die ander
groep wat sê hulle het verloor, maar is nie
verneder.
Hoe het jy die eindstryd beleef?
Neem deel aan die
debat en sê jousê! |
|
|
|
BRIEWE |
|
Het jy iets op die hart, wil jy mond uitspoel,
kommentaar lewer op van die ander briewe of
sommer net jou mening oor iets lug?
jouwêreld
se brieweblad gee jou die geleentheid!
Doen dit so:
|
Pieter Grobler, Kanada, skryf:
Goeienaand. Alla maskas
hoe lekker is dit om weekliks iets te lese te
ontvang. Baie dankie.
Ek is Pieter Grobler wat vroëer daar in die
ou Transvaal, wes van Pretoria en ook so 25
myl wes van
die Hartbeespoortdam aan die noord-hange v/d
Magaliesberge gewoon het. Ons plaas was
Buffelsfontein, en ons naaste dorpie was
Mooinooi.
Ek is 'n afgetrede onderwyser en hoof, en
het reeds in 1966 hier na Alberta, Kanada
getrek. Het vroëer in Bronkhorstspruit, toe
in Wartburg en Pietermaritzburg, Natal,
skoolgehou. Ook in Tsumeb, Suidwes Afrika.
Toe hier na Kanada, waar ek skoolgehou en
verder studeer het. Het toe na altesaam 43
jaar in die onderwys, afgetree.
Ons woon nou al 35 jaar in Canmore, 'n
dorpie van so 12 000 inwoners in die
Rotsgebergtes wes van die Stad Calgary in
die provinsie Alberta.
Destyds toe ek hierheen as ongetroude jong
man gekom het, het ek in my woonstel soos 'n
gekke met myself Afrikaans praat om tog te
verseker dat ek nie my taal verloor nie. Ek
het so na my kultuur verlang dat ek o.a. vir
myself biltong en boerewors leer maak het.
My ousus van Krugersdorp het vir my 'n Kook
en Geniet gestuur en ek het geleer om
karringmelkbeskuit en ander
knop-in-die-keel-verlang-disse te maak. Na
sowat drie jaar hier ontmoet ek 'n Vlaamse
nooi aan die universiteit. Ons is na drie
weke getroud, het twee kinders gehad — wat Afrikaans
vlot praat.
Dis nou baie jare later en hulle het albei
hul eie kinders, maar praat nog pragtig
Afrikaans met my en Frans met my vrou.
Oor die byna 43 jaar wat ek hier woon is ek
elke 3 of 4 jaar terug Republiek toe om by
my ouers en susters te kuier.
Ek dink elf keer — tot albei my ouers 'huistoe'
is, soos my Ma dit genoem het. Ek en Mirjam
lees albei graag en sal sekerlik lekker lees
aan Jouwêreld. As daar Afrikaners is wat met
my wil kommunikeer (Mirjam praat Nederlands
en Frans) skryf asseblief aan:
pwag@shaw.ca
|
Etienne Marais (etiennemarais1990@gmail.com),
skryf:
Beste Jou Wereld Tydskrif
My naam s Etienne Marais en ek is 18 jaar
oud. Iemand het 'n ruk gelede aan TV Plus 'n
brief geskryf om te se hoe gekant hy teen
Harry Potter is. As 'n Christen wil ek net
se dat ek saam stem met dit wat hy gese het
oor hoe duidelik die Bybel se moet niks met
towenaar goed te doen he nie.
Toe ek 14 jaar oud was het ek stemme gehoor
wat oor en oor in my kop 'Harry moet weg'
gese het. As 'n Christen wil ek graag almal
wat mal is oor Harry Potter vertel dat hulle
nie die selfde
stemme wat 'Harry moet weg' se wil hoor as
wat ek gehoor het nie.
E het al baie gebid vir die bekerings van
almal wat met Harry Potter te doen het en
e-posse gestuur om hulle van God se liefde
te vertel en ek sal aanhou om vir hulle
bekerings te bid.
Vriendelike groete
|
Zalome Arnott,Phoenix, Arizona, skryf:
Ek kry "JouWêreld" vanaf die eerste publikasie.
Ek dink dit is fantasties om sulke waarde heel
gratis vry en verniet te kan kry. Baie dankie
vir al die goeie raad en inteligente artikels en
lekker stories wat mens kan lees. Dit is nog
lekkerder as julle na my adres kyk, want hier
waar ek is is daar nie Afrikaans nie. Niks! Ek
het toe maar met 'n Afrikaanse groep, ook op
Google, begin. Dit help bietjie vir my dors en
verlange na Afrikaans lees en praat. Op die
manier het ek honderde Afrikaanse vriende
bygekry, onder ander baie wat in dieselfde
bootjie is as ek.
Mense hier is nie gasvry nie en maak beslis nie
maklik vriende nie. Na vier jaar weet ek net wat
4 van die 5 buurhuise se mense se name is. 2 se
huismense het ek ontmoet, en een, sy is 'n
Duitse dame, het ek 'n paar keer by gaan kuier.
Oor die algemeen is daar niks van net gou inval
en dagsê en drink 'n koppie koffie nie. Ai!!!!!
Daar is net een probleempie. Al die kompetisies
verwag dat mens dit of dat as antwoord moet SMS.
Wat van ons mense wat nie selfone het nie. Dit
is mos diskriminasie. Miskien is dit heel
ongewoon as mens in hierdie moderne tyd leef
sonder 'n selfoon vasgeplak aan jou oor! Kan dit
maar nie 'n epos ook wees nie? Ek sou graag aan
die wedstryde wil deelneem maar het 'n nie 'n
selfoon nie.
jouwêreld-redaksie antwoord:
Liewe Zalome, klink of jy maar eensaam sonder
Afrikaans is daar in die verte van die VSA. Jong,
jy het natuurlik ‘n alternatief: kom terug
Suid-Afrika toe! Gelukkig is jouwêreld
darem nou daar om jou ergste verlange te stil!
Oor jou vraag oor die
kompetisies: Die buitemaatskappy waarvan ons
gebruik maak om die kompetisies te
administrateer, maak slegs voorsiening vir
SMS-inskrywings. Verder versend die borge van
die kompetisies slegs pryse na Suid-Afrikaanse
adresse. Dit beteken ongelukkig dat
Afrikaanssprekendes wat in die buiteland woon,
of lesers wat nie oor ‘n selfoon beskik nie,
ongelukkig nie aan die kompetisies kan deelneem
nie. Jammer – maar dit is ongelukkig faktore
buite ons beheer!
|
|
Sophia Els, Amerika (oumapikkie@hotmail.com),
skryf:
Ons is net so bly vandag. Baie Suid Afrikaners
sowel as plaaslike Amerikaaners het almal
saamgestaam en gebid dat die stormin "Gulf" van
Mixico tog nie geweldig sou wees nie. Ons is
baie dankbaar dat so baie mense en hul nuut
herstelde wonings in Louisiana nie beskadig is
nie. Bid saam met ons vir die wat wel
deurgeloop het. Daar gaan baie skoongemaak moet
word waar die bome ens omgewaai is. Julle sien
dit seker ook op TV. Dit was nie van sulke
groot belang vandag dat hulle soos gewoonlik al
die programme afskakel om die storm te volg nie.
Ons is baie dankbaar daaroor, en wil net se dat
weers omstandigdhede hier in Amerika absoluut
van die uiterste aard is. Dit neem my nou 'n
goeie tyd van 30 jaar om dit gewoond te raak.
Dankie vir die baie oulike artikels. Ek geniet
dit terdee. Dit is nou my tweede ontvangs
hierdie week.
Groete hier van verre Michigan. Sophia
As julle vir my wil "mail" stuur dit asb aan
oumapikkie@hotmail.com.
|
|
Magda Schoeman, Kanada, skryf:
Ons dis nou manlief is nou vir 18 maande in
Kanada en geniet dit hier ,maar mis tog die
wonderlike taal van ons,so hierdie koerant is so
wonderlik,om al die nuus te lees.Ons geniet elke
oomblik van dit, en slurp alles tweekeer op.
|
|
Alta du Plooy, Potchefstroom, skryf:
Super baie dankie vir 'n uitstekende tydskrif.
Behalwe vir al die hiperinteressante leesstof,
is julle werf op de web uiters aantreklik en
vriendeliker as enige Goue Oond-tannie op 'n
Saterdagoggend.
Geluk! Pionierswerk. Ek dink julle het 'n
fantastiese job gedoen. Ek geniet dit moerse.
Ek sien uit na September. Nie net omdat dit
watergeweerdag is nie.
|
Martha
de Lange, skryf:
Iemand het julle bladsy vir my
gestuur, en genade was ek nou veras. Ek weet
nie hoe lank julle al aan die gang is nie, maar
wil net sê ASB moenie ophou nie.
Dit was nou vir my so heerlik om alles wat
beskikbaar is deur te gaan, en het ek lekker
gelees (nog nie alles nie) maar ek weet nou waar
ek my vrye tyd kan deurbring….
Ek wil net vra, hou asb aan met die wonderlike
werk wat julle doen en vir ons beskikbaar stel,
ek het alles geniet van die resepte tot die
dieet inligting, dit was baie insiggewend.
By voorbaat baie dankie. |
Norlene Roux, Kanada, skryf:
Dagse uit Chetwynd B.C. Kanada,Dankie vir die
oulike tydskrif.Ek geniet elke atrikel ,n goeie
verskeidenheid.Voorspoed met die tydskrif.Groete,. |
|
Judith Lindenberg, Townsville, Australië, skryf:
Mensig,
Wat 'n opwinding om 'n eg Afrikaanse tydsrif op
die internet te kan lees. Dit moet julle weet
baie van ons bly ver weg van die bekende. Ons
mis die opbouende artikels, die klets in
Afrikaans en die humorsin.
Baie dankie vir 'n tydskrif wat beloof om
propvol genot te wees en leersame artikels. Ek
wens julle alles van die beste toe vanat
Townsville in die verre Queensland, Australië.
Sonnige groete |
|
Skryf vir ons – doen dit so:
·
Briewe word nie taalversorg of gesensor nie –
soos jy dit stuur, so word dit geplaas.
·
Jou e-pos adres en naam, soos dit in die
kopgedeelte van jou e-pos voorkom, word privaat
gehou en sal nie gepubliseer, of aan enige ander
party bekendgemaak word nie.
·
Slegs
teks en inligting wat in die teks-gedeelte
voorkom, word gepubliseer.
·
Begin jou brief met jou naam / skuilnaam met ‘n
aanduiding vanwaar jy is (dorp, provinsie, land,
ens). As jy jou e-pos adres gepubliseer wil hê,
sluit dit ook hier in.
·
Skryf dan jou brief, en stuur dit aan
briewe@jouwereld.co.za |
|
|
|
|
|
|
|
|
