jouwęreld het ‘n oopdeur-beleid vir almal wat hul werk as medewerkers in die tydskrif wil publiseer.

 

Dan doen jy dit waarvoor jy ‘n groot passie het: om in Afrikaans te kan skryf, én om jou werk gepubliseer te sien. Mét die gepaardgaande genoegdoening dat ander mense regoor die węreld, wat jou passie vir die Afrikaanse media deel, jóú werk gaan lees en daarop kommentaar gaan lewer.

Nog ‘n lekker gedagte is dat jý dan ook deel van die Afrikaanse mediageskiedenis gaan word – om vanaf die begin deel te wees van die eerste Afrikaanse e-tydskrif vir die gesin! Jy kry ook internasionale blootstelling van jou skryfwerk. Anders as die gedrukte tydskrif-media wat net in Suid-Afrika versprei, word jouwęreld deur Afrikaanssprekendes reg oor die węreld gelees.

 

jouwęreld  is by die węreldleier op soekenjins, Google, geregistreer. Dit beteken wanneer iemand jou naam op dié kragtige soekenjin sou soek, hy jou onmiddellik gaan identifiseer.

 

Die bydraes van medewerkers hoef nie spesiaal en uitsluitlik net vir jouwęreld geskryf te word nie. Medewerkers kan werk wat hulle reeds op ander webwerwe geplaas, of deur ander publikasies gepubliseer is, ook by jouwęreld indien vir publisering.

(Onthou net om die nodige creds by jou storie aan te bring.)

Ons sien dit nie as duplisering nie, maar eerder as “networking” tussen ons, die Afrikaanse leser, die medewerker en ander webwerwe en gedrukte media – met die uitsluitlike doel dat Afrikaanse artikels en stories van Afrikaanse medewerkers maksimale blootstelling op alle platforms ontvang.

Dit kan tog nie geredeneer word dat wanneer ‘n storie in die gedrukte media in Tydskrif A verskyn, of ‘n rubriek wat op Webwerf B geplaas is, dat alle Afrikaanse lesers węreldwyd dit reeds in A of op B sou gelees het nie!

jouwęreld  bring dus groter en internasionale blootstelling vir medewerkers se werk.

 

jouwęreld  sien homself nie as “kompetisie, opposisie of vyand” van enige ander Afrikaanse gedrukte- of elektroniese media nie, en dié media word ook nie deur jouwęreld as “kompetisie, opposisie of vyand” gesien nie. Elkeen vervul ‘n unieke rol om inligting, kennis en vermaak aan soveel as moontlik Afrikaanse lesers oor te dra.

 

Soos die geval is met die meeste webtuistes, bied jouwęreld  ook nie betaling aan vir medewerkers wat hul werk op dié webblad publiseer nie.

 

Steeds lus om as medewerker bydraes te lewer? Lekker! Gaan loer dan na die verskillende afdelings van die tydskrif, en kyk waar jou bydrae kan inpas.

Stuur dan ‘n e-pos aan redaksie@jouwereld.co.za, waarna jy die dokument “Riglyne vir artikels en stories” sal ontvang wat vir jou meer inligting sal bied.