|
Die jongste uitlatings van die
voorsitter van die Kommissie vir Billike
Indiensneming, mnr. Jimmy Manyi, dat wit
vrouens nie meer voordeel mag trek uit
regstellende aksie nie, is ongevraag.
Dit kom boonop as 'n vals noot in 'n
week waarin Suid-Afrikaners enersyds
intens bewus geraak het van die
groeiende vlaag van wit armoede en
andersyds van die emigrasie van
professionele beroepslui.
Willie Spies, VF Plus-woordvoerder oor
Arbeid, het gesę dat mens sou verwag dat
mnr. Jimmy Manyi, in 'n week waarin
bekend geword het dat vlakke van
depressie onder Suid-Afrikaners aan die
toeneem is, die emigrasiestroom na
Australië en elders meer as verdubbel
het en die voorkoms van wit armoede met
meer as 58% die afgelope 3 jaar
toegeneem het, eerder uitlatings sou
maak wat Suid-Afrikaners verenig en hoop
vir minderhede skep.
In teenstelling hiermee het Manyi gekies
om weereens wit Suid-Afrikaners die
harnas in te jaag deur te vra dat die
enigste wit persone wat hoegenaamd
voordeel trek uit regstellende aksie,
naamlik wit vrouens, nou
geherklassifiseer moet word sodat hulle
ook ingesluit kan word by die groep
mense waarteen die regering se
regstellende beleid diskrimineer.
"Manyi se uitlatings is dus ongevraagd
en onsensitief en pas nie by die amp van
'n persoon wat veronderstel is om die
vaandeldraer van billikheid in die
werksplek te wees nie."
Die omstrede voorsitter van die Billike
Indiensnemingskommissie, Jimmy Manyi, is
ook 'n direkteur en hoof van
Korporatiewe Sake van die voedselreus
Tiger Brands.
Willie Spies het gesę dat dit eintlik
ironies is dat Tiger Brands Manyi in sy
geledere duld, terwyl dié maatskappy se
inkomstes swaar steun op miljoene rande
se kruideniersverkope aan vroue. Dis
algemeen bekend dat die oorgrote
meerderheid van kruideniersware-aankope
juis deur vroue gemaak word.
"Terwyl wit vroue dus 'n reuse bydrae
tot Jimmy Manyi se eie salaris maak,
huiwer hy nie om gereeld sy rassistiese
agenda teen wit vroue te voer nie.
Dit raak tyd dat Suid-Afrikaners met
hulle voete stem wanneer hulle gaan
inkopies doen, en wegbly van handelsname
van ondernemings wat onsensitief teenoor
hulle gemeenskappe staan," het Spies
gesę.
Bekende handelsname in die Tiger
Brands-stal is onder andere All Gold,
Tastic, Koo en Albany,
sę die VF Plus.
|
