|
Behou Pretoria-naam, sę die ANC se
sekretaris-generaal nou
Gwede Mantashe, ANC-sekretaris-generaal,
het verlede maand tydens 'n vergadering,
met 'n groep Afrikaanssprekendes in
Centurion, gesę dat die name Pretoria en
Tshwane langs mekaar kan bly
voortbestaan.
Dié uitspraak kom in 'n tyd waarin die
Tshwane-metroraad van mening is dat
Pretoria slegs uit 'n paar straatblokke
in die middestad bestaan. |
|
|
|
Volgens 'n ANC-verklaring vorm dié vergadering
deel van die ANC se “uitreikaksie na minderhede”
en “is 'n bewys daarvan dat hy alle groepe by
landsake betrek”.
Mantashe het gesę dat die stadsnaam, Pretoria,
behoue moet bly, terwyl daar na die
munisipaliteit as “Tshwane” verwys kan word,
omdat sy grense wyer as die stad s'n is.
Die VF Plus het dit verwelkom, maar gewaarsku
dat die ANC daarvoor bekend is dat hulle
impulsiewe beloftes maak sonder om praktiese
uitvoering daaraan te gee.
Volgens Conrad Beyers, VF Plus-raadslid in die
Tshwane-metroraad, het Mantashe se uitsprake
geen substansie sonder dat dit beslag vind in
amptelike regeringsbesluite nie.
“Ons sal dit glo wanneer die minister van kuns
en kultuur, dr. Pallo Jordan, die
Tshwane-metroraad se versoek dat Pretoria se
naam na Tshwane moet verander, amptelik afkeur.
Of wanneer die metroraad die versoek terugtrek.
Die res is leë verkiesingspraatjies,” het Beyers
gesę.
Die VF Plus het gesę dat die ANC-beheerde
Tshwane-metroraad gehoor moet gee aan Mantashe
en die versoek vir die naamsverandering moet
terugtrek.
Die VF Plus het weer benadruk dat die
verskansing van die naam Pretoria 'n
sleutelvereiste is voordat die party aan
regerende koalisies in die Tshwane-metroraad of
die Gautengse wetgewer sal deelneem.
Volgens Beyers moet die naam Pretoria, as die
naam van die hoofstad, in ere herstel word op
SAUK-nuusbulletins, in amptelike dokumente van
die Tshwane-metroraad asook in die bemarking van
die 2010 Sokker Węreldbeker.
Die VF Plus het gesę dat die party se hofsaak
oor die behoud van Pretoria se naam sal
voortgaan totdat die ANC die naamsverandering op
alle amptelike vlakke laat vaar.
Die burgerregte-inisiatief, AfriForum, het
Mantashe se uitspraak ook verwelkom.
Volgens Kallie Kriel, uitvoerende hoof van
AfriForum, is Mantashe se uitspraak ter behoud
van Pretoria 'n bewys van die krag wat die
burgerlike samelewing en burgerlike organisasies
soos AfriForum kan uitoefen indien hulle hul
stem duidelik laat hoor. Kriel het daarop gewys
dat AfriForum sedert Maart 2005, toe die
Tshwane-metroraad eensydig besluit het dat hulle
Pretoria se naam wil verander, 'n omvattende
protesveldtog geloods het wat hofaksies,
gesprekke, petisies en vreedsame betogings
insluit.
“Die feit dat sowat 20 000 mense onlangs by
Pretoria se 153ste verjaarsdagviering wat deur
AfriForum gereël is, opgedaag het, het 'n
duidelike boodskap aan die ANC gestuur dat die
publiek nie geneë is met die pogings om Pretoria
se naam te verander nie.”
Kriel het die hoop uitgespreek dat die
Tshwane-metroraad in die lig van Mantashe se
uitspraak, hulle ondeurdagte pogings sal laat
vaar om Pretoria se naam te verander.
Volgens Kriel is AfriForum deeglik bewus van die
feit dat politici in verkiesingstyd graag
gunstige uitsprake maak en daarom gaan AfriForum
die situasie rakende Pretoria se naam fyn
monitor om te verseker dat die ANC hom na die
verkiesing by Mantashe se uitsprake sal hou. |
