Kersfees, jy en Jesus joumenswees hoofinhoud terug na joumenswees volgende artikel vorige artikel deur Tilana Bester e-pos die skrywer e-pos jouwęreld Wat beteken Kersfees vir jou? Wat is jou fokus: die geskenke of die Gewer van ons waardevolste Geskenk? (Foto: http://www.sxc.hu/) Hierdie tyd van die jaar raak almal opgewonde oor die vooruitsig van 'n kersboom, geskenke en 'n feestafel! Daar word gesels oor moontlike geskenke . . . die regte geskenk vir die regte persoon. Weke vooraf beplan ons reeds die spyskaart en bestemmings vir Oukersaand en Kersdag. Kersbome word opgeslaan en huise word opgetooi met vrolike kersversierings. Klink dit bekend? Onwillekeurig sit ek vandag en wonder: sou Kersfees dieselfde gewees het as winkels nie transformeer en Kersfees kommersialiseer nie? Sou Kersfees vir jou dieselfde gewees het as dit 'n dag sonder geskenke was? Verstaan jou kinders waaroor Kersfees gaan en dat geskenke nie belangrik is nie? Jy sien, eintlik is Kersdag 'n "holiday" – 'n holy day. Dit gaan eerstens oor die viering van Jesus se geboorte. En wat doen ons as iemand verjaar? Ja, ons neem 'n geskenkie vir die persoon. Dis presies wat die wyse manne gedoen het toe hulle gehoor het van die geboorte van hulle Messias. Matt 2:11 Hulle het in die huis ingegaan en die Kindjie saam met Maria, Sy moeder, gesien, en hulle het gekniel en aan Hom hulde bewys. Daarna het hulle hul reissakke oopgemaak en vir Hom geskenke uitgehaal: goud, wierook en mirre. Wat interessant en opvallend is, is dat daar nęrens in die Bybel van ons gevra of verwag word om Jesus se geboorte te herdenk of te vier, soos wat ons 'n opdrag ontvang het om ter nagedagtenis van Sy kruisdood nagmaal te gebruik nie. Vir eeue het die kerk Jesus se geboortedag herdenk deur dit net heilig in herinnering aan Jesus te wy. Kan Kersfees so gefokus wees op geskenke dat ons vergeet van ons groot Geskenk? Natuurlik! Neem die gee van geskenke die ware betekenis van Kersfees weg? Nee, nie noodwendig nie. Die sleutel is ons fokus. Ons moet net gefokus wees op die waarde van God se geskenk aan ons. Op die gawe van verlossing wat ons ontvang het deur die geboorte en uiteindelike kruisdood van Jesus. Hieruit vloei ons getuienis en geskenke dan spontaan as teken van dankbaarheid. Jak 1:17 Elke goeie gawe en elke volmaakte geskenk kom van Bo. Is jou fokus op die geskenk, of op die Gewer van geskenke? Kom ons kies eerder hierdie Kersfees om aan Jesus hulde en geskenke te bring! Dis tog immers Sy verjaarsdag. Kom ons maak soos met enige ander verjaarsdag. Kom ons gee Hom wat Hy graag wil hę, dit waarvan Hy sal hou en wat Sy hart bly sal maak. Jesus verlang en vra na jou hart en jou lewe. Daar is niks op aarde of die hemel wat Hy eerder sou vra nie! Gee aan Hom 'n geskenk van liefde – vir Hom en almal om jou. Bring aan Hom jou tiende en offergawes. Gee hom jou tyd as geskenk! Versprei welwillendheid en liefde onder almal. Doen dit opreg en met 'n dankbare hart, want Jesus verdien al die eer! Maak hierdie Kersfees 'n anderster Kersfees. In Matt 25:35 staan daar: "want Ek was honger, en julle het My iets gegee om te eet; Ek was dors, en julle het My iets gegee om te drink; Ek was 'n vreemdeling, en julle het My gehuisves". Ek wil jou uitdaag: sit op Kersdag 'n bord kos of twee opsy, en offer jou middagslapie op om iemand se hart te gaan verbly. Op hierdie manier bring jy ook 'n geskenk aan Jesus, want soos Hy in Matt 25:40 antwoord: "Dit verseker Ek julle: Vir sover julle dit aan een van die geringste van hierdie broers van My gedoen het, het julle dit aan My gedoen." Beplan jou dag hierdie jaar met die geboorte van Koning Jesus as fokus! Laat jou Kersdag 'n getuienis vir ander wees – 'n getuienis van waaroor Kersfees regtig gaan. En wanneer jy aan Hom die geskenke gegee het wat Sy hart verlang, deel dan gerus verder geskenkies as teken van dankbaarheid en herinnering uit. Gebed Hemelse Vader, ons wil U dank en hulde bring vir die grootste geskenk ooit – Jesus. Dankie vir 'n bonatuurlike verwekking en nederige geboorte. Here, verplaas ons fokus en vul ons harte met 'n opregte begeerte om hierdie Kersfees 'n ware Christusfees te maak. Ja, Here, hierdie kersseisoen wil ons, ons lewens voor U kom neerlę as geskenke. Ons wil U hart verbly met ons geskenke van liefde, welwillendheid en tyd vir U. Jesus, dit is ons begeerte om U hart te verbly met die viering van U verjaarsdag. Ons dank U vir 'n kersboodskap wat ons aan verlore siele kan gaan verkondig. 'n Boodskap van verlossing en hoop. Met groot dankbaarheid wil ons hierdie Kersfees 'n anderster Kersfees maak. Ons wil Kersdag heilig aan U wy. Ons bid vir rein harte, leiding en vervulling van U Heilige Gees en ons bid dat U ons geskenke hierdie Kersfees aanneemlik sal vind. Ons wil soos die engele uitroep: "Eer aan God in die hoogste hemel!" Ons harte loop oor van liefde en dankbaarheid. Ons bid vir U seën en beskerming oor elkeen gedurende hierdie feesgety. In die groot en heilige naam van Jesus bid ons. Amen.
e-pos hierdie artikel druk hierdie bladsy uit het jy al vir ons nuusbrief ingeteken?	terug na joumenswees volgende artikel vorige artikel
Hosted By Afrihost.com - The Best Web Hosting Ever! [ jouapplous ] [ joufiksie ] [ jouhoofstories ] [ jougeskenke ] [ joukind ] [ joukontrei ] [ jouleefstyl ] [ joumenswees ] [ joupolitiek ] [ jourubrieke ] [ jouse ] [ tuisbladsy ]