Die soeke na ware liefde is maar nog van altyd af 'n behoefte in die mens. Dit het al tientalle boeke, liedjies, verhandelinge en sielkunde-teorieë geïnspireer. Almal het die behoefte om deur daardie één spesiale persoon bemin en aanvaar te word, maar dit is belangrik om iemand te vind wat by jou pas, en wat jou waardes, belangstellings en passies deel. Onthou dat dit wat vir die een aantreklik, oulik en interessant in 'n persoon is, nie noodwendig vir 'n ander is nie – vandaar dan die beskrywende en eg-Afrikaanse term “vir elke pot is daar 'n deksel”. 

Daar is 'n wye verskeidenheid van enkellopende mense daarbuite van alle ouderdomme. Hulle verskil in terme van voorkoms, geloof, belangstellings, waardes en persoonlikheid.  Dit is dus hoogs waarskynlik dat daar ten minste een ander enkellopende is wat sommer baie goed by jou sal pas. Navorsing bewys egter dat 'n verhouding met 'n persoon wat 'n soortgelyke opvoeding, waardesisteem, agtergrond en dieselfde sosiale belangstellings as jy het, 'n baie groter kans op sukses het.  Soms word daardie persoon sommer heel toevallig in die supermark of by die werk ontmoet; vir ander brawes werk 'n toe-oog afspraak soms alte goed. Vir die jonges is klubs en uithangplekke ook 'n manier om mense te ontmoet. Nog 'n goeie ontmoetingsplek is daar waar mense belangstellings kan deel, soos byvoorbeeld by die kerk of sosiale klubs.

Maar om egter te glo dat jou spesiale deksel net eendag gaan opdaag en aan jou deur klop, is bietjie naïef. Ons moet bereid wees om onsself oop te stel vir daardie deksel daarbuite, en om bietjie te waag en met ander te kommunikeer wat dieselfde behoeftes as ons het. Die feit is egter dat dit in vandag se gejaagde en onveilige wêreld nie so maklik is om ander te ontmoet nie – veral nie vir diegene wat nie meer jonk is nie, of effens teruggetrokke is, 'n veeleisende beroep het of dalk enkelouers is.

Die moderne manier
Internet-afsprake is 'n baie veilige, gerieflike en pret manier om kontak te maak met ander enkellopendes. Dit laat jou toe om die kaf van die koring te skei voordat jy die volgende stap neem en daardie persoon van aangesig-tot-aangesig ontmoet as jy uiteindelik seker en braaf genoeg is! Hierdie klubs help jou om ander persone te ontmoet wat dieselfde behoeftes as jy het (om hul groot liefde te ontmoet) en stel jul albei in staat om anoniem kontak te maak, die proses aan die rol te sit en dan die opwindende kuberreis saam met die perfekte deksel te geniet. Natuurlik hoor jy negatiewe stories oor internet-afsprake, maar meeste van hierdie stories is onwaar, opgeblaas of uit verband geruk. In 'n onafhanklike studie deur dr. Adrian Scotis is bevind dat 94% van persone wat mekaar eers via die internet ontmoet het, na hul eerste afspraak hul verhouding voortgesit het. En dit juis omdat hul teen daardie tyd meer van die persoon geweet het en in staat was om 'n emosionele band met daardie persoon te bou. Dit is ook omdat hulle 'n wyer keuse het en daarom meer kieskeurig kan wees. Natuulik kan mense hier oneerlik wees, maar soos ons weet kan dit maar alte vinnig ook in die “regte” wêreld daar buite gebeur. Meeste lede op hierdie webtuistes is egter maar net soos ek of jy en wil maar net die geleentheid hê om ware liefde te vind.

Daar is professionele ontmoetingswebtuistes soos www.mypotsedeksel.com wat spesiaal ontwerp is vir, en gerig is op, enkellopende Afrikaanssprekende individue.  Baie webtuistes spog met miljoene lede dwarsoor die wêreld.  Hierdie is egter nie 'n voordeel nie want om die perfekte pasmaat tussen soveel uiteenlopende lede te soek is regtig soos om vir 'n naald in 'n hooimied te soek. Ander taalgroepe sal net nooit ten volle die unieke humorsin en sosiale gedrag van die Afrikaanssprekende kan verstaan nie. Om dus aan te sluit by 'n klub waar jy die kans het om iemand te ontmoet wat jou waardes, agtergrond, grappies en behoeftes verstaan, is baie meer voordelig as om met duisende individue te kommunikeer wat niks met jou in gemeen het nie.  Die internet is 'n  manier om ander te ontmoet en aan mekaar voor te stel, en vervang dus nie konvensionele verhoudings nie.  Die geweldige groei in internet-afsprake en die groter aantal professionele en ouer mense wat by hierdie klubs aansluit, wys ook dat die stigma wat gekoppel is aan hierdie manier van kontak maak, besig is om te verdwyn.
Is jy werklik tevrede om op jou eie te staan en prut of wil jy jou perfekte deksel vind en begin kook? Gaan loer gerus op die internet en dalk vind ook jy liefde op die moderne manier!

e-pos dié artikel druk hierdie bladsy uit het jy al vir ons nuusbrief ingeteken?	terug na joumenswees volgende artikel vorige artikel   Boekmerk dié bladsy, of deel met 'n vriend