|
Wanneer jy met fibromialgie gediagnoseer word,
sal jy met William Watson (1858-1935) saamstem:
"Pyn het 'n duidend tande" – want jou hele lyf
pyn - selfs ligte aanraking is pynlik.
Die siekte fibromialgie behels pyn van die
spiere en veselweefsel, soos senings en
ligamente, maar nie die gewrigte nie. Dit is 'n
chroniese toestand en word soms ook
fibromialgie-sindroom of FMS genoem.
Die "pyntande", soos Watson dit beskryf, byt op
sekere drukpunte van jou lyf. Asof dit nie
genoeg is nie, is jy nog gedurig in die oggend moeg en styf. Hierdie simptome val jou veral in
die oggend erg aan, maar later in die dag begin
dit beter word.
Buiten hierdie pyn, wat nie aan enige sistemiese
siekte toegeskryf kan word nie, het jy ander
probleme wat bydra tot jou chroniese moegheid:
slegte slaap, gedurige hoofpyne, nek- en
skouerstyfheid en dan dikwels nog 'n spastiese
dikderm-sindroom.
Verskeie toestande word met fibromialgie verbind
Daar is toestande wat algemeen aan fibromialgie
verbind word en wat ook behandel moet word. Dit
is onder andere depressie, weens die verlaagde
vlakke van serotonien en/of chroniese pyn, asook
'n prikkelbare dermsindroom en voedselallergieë. In 'n tydperk wat jou spastiese dikderm handuit
ruk sal jou simptome van fibromialgie baie erg
wees.
Hormoonversteurings soos 'n onderaktiewe
skildklier, lae DHEA en kortisol en 'n
verminderde groeihormoon moet uitgeskakel word.
Selfs 'n hormoonwanbalans weens menopouse kan
teenwoordig wees. 'n Tekort aan vitamien B
(Pantoteensuur) moet ook na gekyk word en sluit
die moontlikheid van Kandidiase uit.
Baie van dié toestande kan moontlik oorsake wees, of dalk net aan
fibromialgie verwant wees. Die probleem met fibromialgie is
dat dit baie moeilik is om te diagnoseer en nie
duidelike oorsake het nie.
Volg spesiale dieetriglyne
Neem meer vesel in.
Herstel jou dermflora.
Skakel salisilate uit – dit kom in die volgende
voor: aspirien, groente (tamatie, komkommer en
soetrissies), vrugte (appels, appelkose,
bessies, korinte en rosyne, druiwe en
druiweprodukte, lemoene, perskes, pruime,
nartjies, pruimedante en nektariens) en neute
(amandels).
Volg 'n eliminasie-dieet om voedselintoleransie
te beheer.
Sny kaffeďen, alkohol en suiker uit, want dit
veroorsaak moegheid. Indien jy 'n simptoomrekord
hou van die kos wat jy geëet het en van jou
lewenstyl, sal jy self verbande kan identifiseer
en leer hoe om dit te hanteer.
Gebruik
vitamien-aanvullings en natuurlike middels
Die heel belangrikste natuurlike middels wat jy
kan/moet gebruik is magnesium met appelsuur,
SAMe of 5HTP, Koënsiem Q10 en druiwesaadekstrak.
Gebruik
aanvullings om die pyn te verlig,
slaaploosheid en spysvertering te verbeter,
depressie en neerslagtigheid teë te werk of vir
weefselherstel. Let daarop om nie twee
antidepressante saam te gebruik nie, hetsy
natuurlik of voorgeskryf – antidepressante het
vele newe-effekte.
Vir pyn en depressie:
·
Magnesium met appelsuur (malic acid) vir
pyn en spierteerheid. Appelsuur is noodsaaklik
vir die opname van magnesium.
·
SAM-e, 'n natuurlike antidepressant, wat deur
kliniese studies as effektief in die behandeling
van fibromialgie-pyn aangetoon is en die gemoed
verlig. Hierdie is my persoonlike
voorkeur-natuurlike-preparaat vir depressie,
maar dis baie duur.
·
5-HTP (5-hidroksiedtriptofaan) wat pyn
verminder, oggendstyfheid verlig en
slaapafwykings verbeter - dit verhoog die
serotonien-vlakke in die brein.
·
Rooi peper- (capsicum) room. Die
aanwending van 'n room met 0.025% aktiewe
cayenne, 4 keer per dag op die teer punte, vir
ongeveer 4 weke sal help om die teerheid te
verlig.
·
Vitamien B6 en B12 kan vir energie en chroniese
moegheid gebruik word.
Vir selhernuwing en –herstel:
·
Koënsiem Q10 verhoog die suurstofvoorsiening aan
spiervesels en dit is 'n kragtige antioksidant.
·
Gebruik visolie wat groeifaktore voorsien.
Ontgiftiging:
Raak van gifstowwe ontslae deur die lewer se
detoksifisering-funksie te verbeter. Gebruik
aanvullings soos alfa-lipoďensuur, wat ook 'n
antioksidant is, en milk thistle.
Vir beter dermfunksie/spysvertering:
·
L-glutamien
herstel die dermslymvlies, bevorder
spierherstel, gee energie aan spiere en
stimuleer jou groeihormoon.
·
Vitamien
B5 herstel ook die dermwand en help met die
metabolisme van koolhidrate, proteďene en vette.
Daar is bevind dat Vitamien B5 ook vir spierkrampe
help.
·
Vervang ensieme, bikarbonate en neem
betaďen-hidrochloried-suur (HCL).
Gebruik kruie:
·
Druiwesaadekstrak
is 'n kragtige antioksidant met natuurlike
anti-inflammatoriese eienskappe.
·
Devil's claw
is 'n pynstiller en anti-inflammatoriese middel.
Dit bevorder spysvertering, want dit help jou
liggaam om voedingstowwe beter op te neem.
·
Essensiële olies, soos laventel, bloekom, tiemie,
denne en kamille, kan gebruik word vir
spierverslapping en -ontspanning. Gebruik dit
vir massering en gooi dit in jou badwater.
Lewenstylaanpassings is baie belangrik
Maak
seker dat jy ten minste agt ure per dag slaap
en ses tot agt glase water drink.
Doen daagliks oefeninge om die bloedsirkulasie in jou spiere en vel
te verbeter, soos
ontspanningsoefeninge, strek- en
soepelheidsoefeninge, joga of lae impak
aërobiese oefeninge. In geval van erge moegheid,
kan massering ook help. Neem in die oggend 'n
warm bad of stort om jou teer spiere te streel,
wat ook jou bloedsirkulasie bevorder en
spierstyfheid verlig.
Ander soorte massering en terapie is
akupunktuurbehandeling en drukpunt-terapie.
Vir die emosionele behandeling van fibromialgie
is dit belangrik om by 'n ondersteuningsgroep
aan te sluit. Identifiseer jou stressors. Maak
'n lysie en begin om hulle een vir een te
hanteer. Vermy dit om negatiewe emosies te
ontken en/of te onderdruk - dit verhoog jou
spanning.
Baie sterkte aan enige een wat aan dié sindroom
ly. Streef voortdurend daarna om dit te beheer.
"Die lewe is vol pyn; maar ook vol mense wat pyn
deurlewe en daardeur gegroei het." Helen
Keller (1880-1968)
|
