Versorg jou vetplante só  jouleefstyl hoofinhoud terug na jouleefstyl volgende artikel vorige artikel deur Herman van Bon       Selfs 'n vetplanttuin benodig voortdurende onderhoud – veral tydens die reënseisoen.  By Soekershof in Robertson word vetplante voortdurend met liefde en aandag ondersoek en versorg. Ongelukkig verkeer baie tuiniers onder die indruk dat 'n vetplanttuin – wat water-ekonomies is – ook onderhoud-ekonomies moet wees. Dit is egter nie die geval nie! Onderhoud en versorging bly 'n baie belangrike, en voortdurende, proses as jy 'n sukses van jou vetplanttuin wil maak. Dit is veral tydens die reënseisoen van uiterste belang dat die akkers gereeld geskoffel en die grondkors gebreek moet word. Wanneer die weervoorspelling stygende temperature in die vooruitsig stel, veral na afloop van 'n paar reëndae, is dit vir die vetplant-tuinier die teken dat die grond rondom die vetplante met 'n skoffelgrafie lug gegee moet word. Dit laat die vog vinniger verdamp en hou die nek droog, en sal verseker dat die oormaat water tydens 'n volgende reënbui vinniger dreineer. Dit sal ook gedeeltelik help met die voorkoming van onkruid, omdat die grond vinniger uitdroog en onkruidsaad normaalweg nie in droë grond ontkiem nie. Tydens die grond-bewerking van die akkers, moet die vetplante ook sommer ondersoek word: voel aan die nek van die plant, net onder die grondoppervlak, en maak seker dat die weefsel steeds vlesig is. 'n Sagte nek is 'n teken dat die plant 'n oormaat water kry en besig is om te verrot.   jougeskenke Drie lesers kan elkeen 'n geskenkpak bestaande uit kaktus-saadmengsels, ter waarde van R50 elk, wen. SMS die woorde JW SAAD, tesame met jou naam en e-pos adres, aan 34780. (Lees ook die kompetisie-reëls op jougeskenke) Herman van Bon is mede-eienaar van die Soekershof-kwekery in Robertson, Wes-Kaap. Die verskillende vetplanttuine van Soekershof (wat, sonder die kwekery, 'n gebied van 11 000 m² bedek) spog met 'n versameling van meer as 2 400 verskillende geregistreerde vetplantspesies. Soekershof is veral bekend vir sy groot doolhof, met uitbeeldings van plaaslike stories oor volksoorlewering as bakens tussen die lanings. Publieke toere en praatjies word ook deur Soekershof aangebied. Vir meer inligting hieroor, of advies oor jou vetplanttuin, besoek hulle by www.soekershof.com, stuur 'n e-pos aan info@soekershof.co.za, of kontak hulle op 023 626 4134.
e-pos hierdie artikel druk hierdie bladsy uit het jy al vir ons nuusbrief ingeteken?	terug na jouleefstyl volgende artikel vorige artikel
joukommentaar joubesluit beoordeel dié artikel kies een 1 dit was uitstekend 2 dit was baie goed 3 ek voel neutraal 4 dit was so-so 5 nie vir my nie jou naam* jou e-posadres* jousê  lewer kommentaar oor dié artikel * nie verpligtend
Hosted By Afrihost.com - The Best Web Hosting Ever!