|
Die omgewing waar jy bly sal 'n
bepalende faktor wees op die tipe tuin
wat jy beplan. Plante wat welig in die
klam en nat toestande van Margate groei,
sal byvoorbeeld glad nie oorleef op De
Aar in die Karoo nie!
Suid-Afrika bestaan hoofsaaklik uit vier
klimaatstreke, nl. die
winterreënvalstreek in die Wes-Kaap, die
dorre binneland in die Westelike dele
van die binneland, die gematigde
somerreënvalstreke vanaf die Oos-Kaap
tot in Gauteng, en laastens die
subtropiese somerreënvalstreke wat vanaf
noordelike Limpopo al langs die ooskus
tot by Port Elizabeth strek. Hou dit
ingedagte wanneer jy jou plante en tipe
tuin kies.
Ons woon in 'n halfdroë-land met 'n
jaarlikse gemiddelde reënval van minder
as 500 mm, teenoor die węreldwye
gemiddelde van meer as 800 mm.
Met die voorspelling van globale
klimaatsverandering wat selfs nóg warmer
en droër toestande sal meebring, is dit
hoog tyd om só tuin te maak dat die
maksimum water gespaar kan word.
Wanneer jy beplan om 'n nuwe tuin uit te
lę, of 'n oue op te gradeer, moet daar
versigtig te werk gegaan word.
Plante, kunsmis en alle ander
tuinbenodighede is duur – daarom kan
daar nie sommer lukraak weggespring word
sonder die nodige voorafbeplanning nie.
Die landskapargitek, Magda Jansen van
Rensburg, waarmee jouwęreld
gesels het, het die volgende aanbeveel:
1.
Neem eerstens die klimaatstreek waarin
jou tuin geleë is, in ag.
2.
Is daar voldoende water beskikbaar in
die omgewing waar jy bly?
3.
Volgens watter styl is die huis gebou en
aan watter kant front hy? Dit sal bepaal
in watter rigting die tuin beplan moet
word.
4.
Die dekor van die binnehuis moet
aansluit by die tuinuitleg, en die twee
moet mekaar komplementeer.
5.
Hoe lyk die ligging waar die tuin
aangelę gaan word? Is daar byvoorbeeld
baie groot bome en struike, is dit net
'n plat stuk aarde of is daar hoë
skuinswalle wat opgevul moet word?
6.
Wat is die finansiële implikasies vir
die eienaar? Groot plante, beelde, potte
en fonteine wat fokuspunte vorm is duur,
maar beslis die moeite werd.
Kleiner plante kan as vullers in
beddings saam met klippe, gruis, bas en
stapklippe gebruik word.
7.
Plant inheems aan jou area en gebruik
plante wat by jou klimaatstoestande pas.
Al is die subtropiese tuin hoe mooi,
groei dié plante eenvoudig nie in 'n
koue hoëveldse tuin nie. Om dit te
probeer, sal 'n vermorsing van geld,
plante en water wees.
8.
Bespreek jou voorkeure en voorstelle met
'n plaaslike plantkenner of
tuinuitleg-adviseur. Wees oop vir raad,
hulp en leiding.
9.
Moenie dat jou tuin vir jou 'n lyding
word nie – dit moet net een groot
plesier wees waar jy welkom en tuis sal
voel! Jou tuin moet 'n veilige hawe vir
jou, jou gesin en ook die voëls uit die
omgewing wees.
10.
Ry rond in jou woonbuurt en kyk na
goedversorgde tuine wat met oorleg
uitgelę is. Vra die huiseienaar wie die
tuinontwerper was en gaan kry raad.
11.
Jou tuin moenie seisoenaal wees nie –
dit moet dwarsdeur die jaar kleurvol,
groen en 'n lus vir die oog wees.
Gedurende die vaal troostelose winterdae
lok 'n goed versorgde tuin mense na
buite. Jou tuin moet soos 'n oase voel
waar die vermoeide siel kan rus vind en
ontspan.
Wanneer jy beplan om 'n tuinontwerper (landskapsargitek)
te nader, gaan hy die volgende by jou
wil weet:
1.
Wil jy die hele tuin eenmalig, of in
fases, verander?
2.
Hoe wil jy dié fases aanpak: eers die
voor of agtertuin of beddingsgewys?
3.
Wil jy klein of groot plante gebruik?
Onthou, kleiner plante neem langer om 'n
effek te wys.
Die effek van groot plante wys weer
dadelik, maar dit is baie duurder.
4.
Wat wil jy as 'n fokus gebruik – 'n
bankie, fonteine, gazebo's of groot
potte? Wil jy opvullers soos bas, gruis
of gepakte klippe gebruik? 5. Hoe
verkies jy die ontwerpte terrein: plat,
terrasse of heuwels? Onthou dat jy nie
deur 'n plat tuin gebind is nie, dit kan
só met hoë plante getooi word, dat dit
as heuwels of terrasse vertoon.
Dink dus eers oor die bogenoemde vrae na
sodat jy gereed kan wees met antwoorde
wanneer die tuinontwerper kom.
ONTHOU:
Tuinmaak en die onderhoud daarvan is 'n
groot finansiële uitgawe. Kan jy dit op
die lang termyn bekostig?
Dit help nie jy spandeer duisende rande
vir die uitleg en die plante van jou
tuin, maar kan later nie die
instandhouding daarvan bekostig nie.
Wie gaan die instandhouding behartig –
jyself of gaan jy van 'n tuindienste
gebruik maak? Tuindienste kan jou tussen
R500 en R800 per maand uit die sak jaag!
Instandhouding deur 'n landskapontwerper
hou gewoonlik 'n waarborg in, maar dit
is ook die duurste opsie.
Wanneer jy vooraf die regte en ingeligte
besluite neem, kan jou tuin vir jou jare
se geluk en saligheid bring – geniet dit!
|
 |
