|
|
|
Kyk uit vir hierdie gesonde,
spoggerige nuwe produkte op die
winkelrakke. |
|
|
|
red espresso®
is die nuwe Suid-Afrikaanse gesonde en
kafeïenvrye alternatief vir koffie. Dit bevat 5
keer meer antioksidante as groentee en 10 keer
meer antioksidante as gewone rooibostee. Jy kan
dit tuis in jou espresso-maker, koffiemaker,
plunger of perkoleerder maak. Die rooibos-espresso
vorm die basis van 'n verskeidenheid drankies.
Dit is nou by supermarkte beskikbaar.
|
 |
|
Twinings
het 'n nuwe reeks kruie-infusions om jou
welstand te verbeter. Die "Blended for
you"-reeks bevat geen ekstra suiker of
geurmiddels nie, net die beste kwaliteit
kruie-bestanddele. Daar is "Blended as a
Digestif" wat met vinkelsaad en kruisement met
spysvertering sal help. "Blended to revitalise"
bevat gemmer, rooibos en mate om jou te
verfris en op te kikker. "Blended for
tranquility", met linden en kamille, sal vir
kalmte en ontspanning sorg. Dit bevat geen
kafeïen, suiker of versoeter nie en boonop
feitlik geen kalorieë nie.
|
 |
|
Verjuice
word van die vars uitgedrukte sap van onryp
druiwe gemaak. Die sap is ongegis en bevat
daarom geen alkohol of suiker nie. Die woord,
verjuice, is afgelei uit die Frans vir "groen
sap" (vert jus). The Verjuice Co.
se produk word van Suid-Afrika se
pinotage-druiwe, gemeng met ander rooi- en
witvariëteite vanuit die Kaapse Wynland gemaak.
Een van die voortreflikhede van verjuice is dat
dit glad nie met die smaak van wyn kompeteer nie.
Daar is verskeie verjuice-produkte van The
Verjuice Co. by uitgesoekte supermarkte,
delikatessens en fine-food stores
beskikbaar. Buiten die twee suiwer
verjuice-middels, is daar ook gekarameliseerde
verjuice-stroop, spicy verjuice-blatjang
en gepreserveerde gemmer in verjuice-stroop.
|
 |
|
Fair cape het 'n splinternuwe free
range-joghurt bekendgestel. Gevul met "goeie"
bakterie, maklik absorbeerbare kalsium, proteïen
en sink dra dit by tot 'n gesonde
verteringstelsel en lewenstyl. Eet dit as 'n
versnapering, nagereg of "pick-me-up". Dit is
gemaak van organiese melk – dit beteken daar is
geen bygevoegde hormone of dierprodukte nie.
Beskikbare geure is framboos, naartjie, aarbei,
rooibos, rooibos en heuning en rooibos en
suurlemoen.
|
 |
|
