|
Baie kenners beskou tot vandag toe nog
die 1940's as van die meer stylvolle
modetydperke van die afgelope 100 jaar.
Dit is juis daarom glad nie verbasend
dat talle elemente van dié styl vandag
weer hul inslag in moderne style vind
nie!
Deur die 1940-styl ten volle te verstaan
en dan elemente daaruit te vat en met
moderne uitrustings te meng, kan daar 'n
baie klassieke en elegante voorkoms
geskep word.
Dit het so ontwikkel
Net so stylvol as wat die 1940-modes
was, net so interessant is die
ontwikkeling van dié ontwerpe – so het
die Tweede Węreldoorlog byvoorbeeld 'n
onuitwisbare invloed daarop gespeel.
Gedurende die oorlog was algemene
hulpbronne skaars, en materiale was 'n
luukse – beslis nie 'n alledaagse en
maklik-bekombare item nie!
Alle beskikbare sy en nylon is
byvoorbeeld deur die weermag benodig om
valskerms te vervaardig; patriotiese
vroue het selfs hul eie sykouse aan die
weermag geskenk. Dié tekort het tot
gevolg gehad dat vrouens minder, en in
baie gevalle glad nie meer, sykouse kon
dra nie. Sommige wat nog die voorkoms
van sykouse as onontbeerlik beskou het,
het vir dié tekort vergoed deur
"soomlyne" met grimeerpotlode op hul
bene te teken. Die meeste vroue het
egter in dié tyd kort wit sokkies gedra.
Materiaal moes baie spaarsamig gebruik
word: 'n algemene praktyk van vroue in
dié tyd was om hul mans, wat toe in die
oorlog was, se pakke klere te omskep in
vroue-uitrustings. Hieruit het die
klassieke broekpakke ontwikkel.
Daar is verder gekompenseer deur met
kleurgebruik te speel – baie gewild was
diep, donker en ryk kleure – soos
maroen, roes-oranje, indigoblou en
turkoois.
Gedurende die 1940's het 'n groot
verandering sedert die vorige dekade
ingetree, en silhoeëtte het nou die
natuurlike vroulike figuur nageboots. Om
'n meer vleiende voorkoms aan die draer
te gee, was uitrustings swaarder aan die
bo-kant.
Die vroulike silhoeët het die vorm van
'n onreëlmatige uurglas aangeneem: die
skouers was die wydste met die
borsbreedte effens smaller; die middel
was die nouste met die heupe weer effens
wyer.
Skoenstyle is natuurlik ook deur die
materiaaltekort beďnvloed. Aangesien
leer nie geredelik beskikbaar was nie,
is al hoe meer van hout in skoenontwerpe
gebruikgemaak.
Wigskoene, waarvan die wig uit hout
gemaak is, was veral baie gewild. Die
hakke was ongeveer 5 cm hoog. Skoene het
oor die algemeen meer van die voet
gewys.
Hare is gekrul en min of meer
skouerlengte gedra met bybehore soos
blomme, strikke en juwele. Hoede was ook
populęr.
Grimering het sedert die 1930's egter
min veranderings ondergaan en oë is
steeds met maskara met behulp van 'n
oogpotlood beklemtoon.
Aangesien wenkbroue in meer natuurlike
vorms gehou is, was dit nie meer nodig
dat vroue hul oorspronklike wenkbroue
moes afskeer om plek te maak vir vals-
of getekende wenkbroue nie. In 'n poging
om 'n meer perfekte lyn te kry, het
sommiges egter wel hul wenkbroue gepluk.
Lipstiffiekleure het donkerder geraak,
met maroen en bloedrooi as die gewildste
keuses.
Trek die 1940's nader
Hoewel die basis van die stylvolle
1940-modes vandag weer net so gewild is
as jare gelede, besef min mense werklik
dat hul "moderne" styl eintlik maar uit
die 1940's kom!
Wees hulle een voor: as jy elegant en
sjiek by 'n formele funksie wil opdaag,
gaan leen stuitig by die 1940's vir 'n
klassieke styl wat die koppe sal laat
draai.
Alhoewel die 2008-uitrusting nie meer
skouerkussings het nie, is die basiese
uurglasvorm terug.
Dra 'n oorbindrok met 'n tipiese
1940's-drukpatroon, met 'n hoë-kwaliteit
leergordel om die middel te beklemtoon.
(Na my mening kan hiérdie rokke wel weer
van sy gemaak word – ons is mos nie tans
in 'n oorlog gewikkel nie!)
Ewe suksesvol is 'n
bloes of hemp in 'n aangrypende ryk
kleur, soos diep-pers of ou-goud. Vir
formele dagdrag is 'n besigheidspak net
die ding – verkieslik met 'n broek, maar
as jy bietjie been wil wys is 'n romp
die aangewese kledingstuk.
Grimeerstyle het ook baie min verander
met helder rooi lippe wat deurentyd die
klassieke styl gebly het. Maak dus
kwistig gebruik van donkerrooi
lipstiffie en maroen naellak, en trek
jou gunsteling maskara en oogpotlood
nader.
Vir 'n 1940-haardos sonder om jou hele
styl te verander, probeer die volgende:
Dra jou hare reguit bo en krul dit aan
die onderkant.
'n
Krultang is natuurlik 'n belegging wat
voorwaar nuttig is – dit is die sleutel
tot jou eie 1940's-haarstyl!
As bybehore, wat 'n noodsaaklikheid is,
kan 'n blom of 'n klein juweelstuk in
die hare ingewerk word. Unieke
haarknippies werk net so goed. En as jy
'n uitgaande persoonlikheid het, kan
hiérdie bybehore maar lekker groot wees
om die nodige aandag te trek.
'n Goeie voorbeeld vir leiding, is die
haarstyle van
Audrey Hepburn: hoewel sy eers in die
1950's in films verskyn het, is haar
styl die wese van enige klassieke styl.
Onthou om nie jou voete af te skeep nie
– asemrowende
ooptoonskoene (peeptoes) kan hier
nét die ding doen!
Geniet al die aandag wat jy gaan trek!
|
