|
Dit is makliker as wat jy dink om jou vel weer
in 'n strand-gereed-toestand te kry. Volg ons
wenke om die oorlog teen jou wintervel te wen:
1. Die Slag van Waterloo
Kenners meen dat jy vir 'n gesonde vel sowat 6 -
8 glase water per dag moet drink. Jy hoor dit
baie en as jy dit nog nie begin toepas het nie,
is dit nou tyd. As jy nog nie van die voordele
van water oortuig is nie, sal ek verduidelik:
Water is alkalies (met 'n pH van 7.3) en doen
dus wondere vir enige veltoestand. Dit bevogtig
en hou jou vel soepel. So, moenie net daar sit
nie – skink sommer dadelik 'n glasie!
2. Ontplooi jou
scrub
Jou vel maak duisende nuwe selle elke dag en ou
selle gaan nêrens heen nie. Hulle bly daar sit
en laat jou vel vaal en wel, dood, voorkom. Dit
is dus belangrik om, in jou oorlog teen 'n droë
vel, 'n goeie velafskilfermiddel (exfoliater)
te kry. Rêrig, ek belowe. Koop sommer 'n
loofah ook en gebruik dit so twee tot drie
keer per week. Hou tog in gedagte dat die vel op
jou gesig en nek baie sensitiewer as op die res
van jou lyf is. Gebruik die regte produk vir die
regte deel van jou lyf!
3.
Jou troepe het kos nodig
Die waarheid is, dat wat jy in jou mond sit
werklik 'n invloed op jou lewenskwaliteit het.
Maak dus seker jy eet gesond. Jy hoef nie
vervelig te wees en nooit jou mond aan iets
lekker te sit nie. Die belangrikste ding om te
onthou is om 'n balans te handhaaf en matigheid
voor oë te hou. En natuurlik, as jy groente,
vrugte en vesel in jou dieet inwerk, is jy op
die regte pad.
4.
Skeer is die beste geweer
Jy hoef nie te bieg nie: ons almal weet dat jy
in die winter bietjie lui raak om jou beenhare
te skeer. Niemand sien tog jou bene nie, of hoe?
Dit help tog nie om met 'n stukkende geweer
sonder patrone dié slagveld binne te tree nie.
Skaf vir jou 'n goeie skeermes en skeerroom aan
om van die ongewenste hare ontslae te raak.
5.
Die son is jou grootste vyand
Dit is tyd vir hoede en sonskermmiddels want jou
grootste vyand, Ra, het opgedaag. En dit is nie
nodig om al die kort- en langtermynnadele van
sonskade vir jou op te noem nie, jy weet dit tog
self.
6.
Rus, al is die geveg nie verby nie
Dit mag dalk teenstrydig klink, maar die oorlog
teen 'n droë vel is al halfpad gewen as jy
genoeg rus kry. Dit gee jou vel kans om te
herstel van al die streshormone waarmee hy deur
die dag gebombardeer word.
7.
Natuurlik, natuurlik
Die natuur weet die beste. Probeer hierdie
natuurlike oplossings vir 'n droë vel:
Vrugteslaai
Maak 'n puree van 1 piesang en 1 papaja, perske
of avokadopeer. Gebruik dit op jou vel soos 'n
gesigmasker.
Blommetjie-gedenk-aan-my
Kook malvablare in water. Verkoel en gebruik die
water as 'n gesigwasmiddel.
Bak 'n koek
Meng hawermout, vanielje en bakpoeier. Voeg dit
in jou bad met warm water en lê agteroor vir 30
- 60 minute.
8.
Die regte ammunisie
|
