|
Om vandag 'n ouer te wees, is baie
anders as wat dit in die verlede was.
Alhoewel die internet al amper 20 jaar
in ons huise is, is dit maar eers die
laaste 5 tot 10 jaar wat tieners en
kinders maklik toegang daartoe het.
As jy begin voel dat jou kinders meer
van die aanlyn-węreld weet as jy, is dit
geen wonder dat jy oor hul veiligheid
bekommerd is nie.
Daar is gelukkig baie stappe wat jy kan
neem om jou kinders te beskerm en om hul
aanlyn-gedrag so te lei dat hulle veilig
is.
Hier is 5 belangrike
plekke om by te begin:
1.
Die eerste stap wat jy moet neem is
om rekenaars uit jou kinders se kamers
te verban.
Die hele gesin moet 'n rekenaar, wat in
'n besige gebied van die huis is,
gebruik.
Deur die rekenaar – en jou kinders – in
sig te hou help om die webwerwe wat
hulle aanlyn besoek, en die tipe
aktiwiteite waaraan hulle kan deelneem,
te verminder. Nog 'n goeie idee is om
kinders se tyd op die rekenaar te
beperk. 'n Kind wat net 'n uur op 'n dag
voor die rekenaar besig is, kan in baie
minder moeilikheid kom as 'n kind wat 4
tot 6 uur per dag op die rekenaar
spandeer.
2.
Stel 'n paar grondreëls vir jou
kinders se internetgebruik vas.
Byvoorbeeld: Baie ouers laat hulle
kinders toe om hul eie e-posadres te hę,
maar net as die ouers die wagwoord het.
Wanneer jy weer die rekenaar gebruik kan
jy kontroleer dat dié reël nie gebreek
word nie deur die history-funksie
te gebruik en seker te maak dat geen
ongemagtigde e-posadresse gebruik word
nie.
3.
Myspace is deesdae een van die
gewildste webwerwe.
Dit is 'n sosiale gemeenskap wat mense
van oraloor saambring. Dit het ook 'n
populęre webwerf vir tieners en
pre-tieners geword om mekaar na skool te
ontmoet. Jy kan verseker dat jou kinders
veilig bly deur saam met hulle hul
Myspace-profiel op te stel. Sodoende
ken jy die wagwoord en kan jy van tyd
tot tyd daarna gaan kyk. Maak seker dat
jy jou kinders duidelik inlig van die
belangrikheid daarvan om net met vriende
te kommunikeer.
Daar is baie spam-programme wat
sal vra om jou kind se vriend te wees en
hom/haar dan aan onvanpaste materiaal
blootstel.
As jou kinders net vriend-navrae van
mense wat hulle in die regte lewe ken,
aanvaar sal hulle minder aan ongewenste
materiaal blootgestel word.
4.
Maak seker dat al jou pogings om jou
kinders te beveilig, nie heeltyd
bestraffend is nie.
Jy kan baie probleme voorkom deur eerder
in jou kind se aanlyn-lewe betrokke te
wees. Besoek saam webwerwe en laat hulle
jou wys waar hulle graag aanlyn "uithang".
Moedig hulle aan om jou te vertel van
hul aanlyn-vriende en hoe hulle aanlyn
hul tyd spandeer.
As jy deel is van hul węreld, sal jy
presies weet wat hulle doen en of hulle
jou grondreëls nakom of nie.
5.
As dit moet, kan jy jou
ouerbeskerming na die volgende vlak neem
deur professionele moniteringsagteware
te installeer wat jou presies sal wys
waar hulle was.
Hiérdie sagteware kan ook die gebruik
van spesifieke webwerwe beperk. Dit kan
van groot hulp wees as jou kind jonk is.
6.
Om jou kind aanlyn te beskerm sal
makliker wees as jy van die begin af
betrokke is by dit wat hulle doen.
Vriendelike wisselwerking tussen jou,
jou kind en die internet op 10-jarige
ouderdom is baie makliker as om 'n
16-jarige se slegte aanlyn-gewoontes te
stop.
Net soos ander areas van ouerskap, is
dit beter om eers te probeer om die
probleme te voorkom.
|
