|
Ons het tafeldoeke in roesoranje en
donkerolyfgroen gemaak. Daarby saam het ons drie
verskillende kleure organza gekoop – ook
olyfgroen, roesoranje en donkerrooi - net 1.5
meter van elk is oorgenoeg om oor die lang
feestafel te drapeer. Hierdie kleure bied 'n
dramatiese, dog ryk en vrolike atmosfeer, vir
herfs.
[terug na bo]
Die eerste keer wat ek gesien het mense sit
brooddeeg deur hul pastamakers het ek gedink
daar kan net groot dinge daarvan afkom. As mens
eers sulke mooi, lang en dun strepies brood het,
is daar absoluut niks wat in die pad van jou
kreatiwiteit kan staan nie. Boon-op is dit 'n
lekker gesprekspunt en eetding vir die ete – jou
gaste kan die hele tyd eet terwyl hulle op die
volgende gereg wag. 'n Servetring saam met sop
is heerlik!
[terug na bo]
Sny 'n stuk deeg af – so hokkiebal-grootte om
mee te begin. Druk dit plat met jou hande. Gooi
baie meel op dit aan beide kante. Strooi ook
meel oor die pastamaker. Werk dan die deeg deur
die pastamaker – net tot op die tweede dikste
verstelling – die grootste by my is 7, so ek rol
dit een keer daardeur en dan een keer op 6.
As dit enigsins opbondel of plooie maak, strooi
met meel vou toe, druk plat en druk weer deur.
Jy kan dit met 'n koekroller ook uitrol – die
pastamaker maak net 'n mooier oppervlak.
Gebruik nou 'n skerp mes en sny blare uit die
deeg uit. Plaas dit dan op 'n bakplaat en sny
dan tot in die helfte van die deeg die takkie en
are in.
Smeer met eiermengsel*. Gebruik 'n strooitjie om
'n klein gaatjie aan die een kant te maak sodat
jy later 'n naamkaartjie daaraan kan vasmaak.
Bak by 180 °C vir 10 – 15 minute. Plaas op 'n
afkoelrakkie om koud te word – as die gaatjies
toegerys het, kan jy dit met 'n tandestokkie
weer oopmaak.
* Voeg 10 ml melk of water by die eier
en klits. Meng met ongeveer 5 ml paprika om 'n
mooi roesbruinkleur te verkry. Jy kan dit ook
met ongeveer 10 ml pesto meng om dit 'n groen
skynsel te gee. En dit smaak ook lekker! Jy kan
dit ook met meel strooi, en nie eier smeer, voor
jy dit bak nie. Dan gaan dit net so ligbruin
wees.
Om die naamkaartjies te maak het ons elke gas se
naam getik, gedruk en uitgeknip. Maak dan 'n
gaatjie in elke naamkaartjie en bind dit met 'n
stukkie raffia aan die blaar vas.
Ons het die blaarnaamkaartjies op elkeen se glas
gebalanseer.
[terug na bo]
   
[terug na bo]
Om broodstokkies te maak, gaan jy te werk soos
met die broodblare – rol net die deeg tot op die
tweede laaste verstelling (2) uit. Strooi dan
weer met meel aan albei kante. Voer die dan deeg
deur die fettuccine-attachment.
Strooi meel op jou werkoppervlak en sit die
deegrepies daarop neer. Jy sal nou sien hoeveel
meer deeg jy moet insit om langer stokkies te
maak.
Jy kan natuurlik die deeg dun uitrol en in
repies sny – dit werk ook – dis net nie so
maklik en lekker nie!
Kry nou die grootste bakplaat wat jy besit uit.
Smeer dit. Voorverhit die oond tot by 180 °C.
Smeer die broodstokkies met eier – sien die
eiernota bo. Dit werk die beste as jy dit nie op
die bakplaat met eier smeer nie, anders loop dit
af teen die kante. Smeer dit liewer op jou
werkoppervlak en dra dit dan na die bakplaat
toe.
As jy die broodstokkies op die bakplaat sit, kan
jy hulle so lank en reguit hou, of jy kan golwe
maak, of jy kan (my gunsteling) dit lank en
regtig maak en dan die punt in 'n spiraalvorm
draai. Geniet jouself!
Bak dan die stokkies vir 10 minute. Dit moet
heeltemal hard en crispy wees – dis nie
lekker as dit nog sagte dele het nie. Soms neem
dit nog 5 minute langer om te maak.
Verwyder van die bakplaat en plaas op
afkoelrakkie om koud te word. Dit hou so 3 – 4
dae en jy kan dit weer in die oond sit om hard
te word.
Vul blompotte met die broodstokkies en sit dit
op die tafel as jou blommerangskikking. Dis
heerlik om heeltyd deur die ete daaraan te smul!
[terug na bo]
Kry 2 - 3 leë kartonrolle van foelie of
waspapier. Trek dit met skoon foelie oor en
smeer met margarien of smeermiddel.
Maak nou deegrepies, presies soos vir die
broodstokkies. As jy korter repies by die
broodstokkies het, kan jy hulle uithou vir die
servetringe. Neem drie op 'n slag en maak 'n
vlegsel daarvan. Draai dit om die oorgetrekte
kartonrol en sny af waar hulle bymekaar kom.
Druk dan die punte plat teenmekaar vas. Die
onderkant maak nie soveel saak nie, sit dit op
dn gesmeerde bakplaat met die vashegting na
onder. Dan maak dit sommer 'n plat staanplekke
vir later.
Hou aan totdat jy genoeg ringe het vir die
aantal gaste. Jy kan dit ook met die eier en
paprika of eier en pesto smeer. Smeer net 'n dun
lagie eier, en kyk dat dit nie borrels in die
holtes maak nie. Bak dit by 180 °C vir 15
minute.
Verwyder so gou as wat jy daaraan kan raak die
ringe van die kartonrol – as dit koud word
sukkel mens want hulle breuk dan maklik.
[terug na bo]
Om jou herfstafel te voltooi, koop pakkies rooi
lensies en groen ertjies (split peas), of
enige ander bone of lensies wat by jou kleure
pas. Ons het ook swartbone gebruik. Met die
lensies, ertjies en bone kan jy patrone op die
tafeldoek maak, van dit in blompotte gooi of
daarvan in die blompotte by die broodstokkies
gooi.
Mens speel te heerlik daarmee! En – as jy nie
vol fiemies is nie, kan jy dit 'n ander dag net
so bietjie was, kook en eet!
Ons
het ook kassiastokkies gebruik om tekstuur te
gee. Kassia is kaneel se nefie: dit is redelik
dieselfde, alhoewel kassia growwer is, nie so 'n
subtiele geur het nie en goedkoper is.
[terug na bo]
|
