Dek dit met denim jouleefstyl hoofinhoud terug na jouleefstyl volgende artikel vorige artikel deur Wilna en Rosa Myburgh   Net soos jy jou gunstelingdenim op verskillende maniere kan dra, kan jy dié denimtafeldoek optooi om by enige geleentheid – formeel of informeel, dag of nag – te pas! Dit is makliker om 'n tafeldoek te maak as wat dit lyk. Die wonderlike daarvan is dat jy met die keuse van jou materiaal iets kan skep wat jy nie om elke hoek en draai sal raakloop nie. Deur verskillende soorte materiaal te gebruik, kan jy verskillende atmosfere skep: byvoorbeeld katoen met vrolike lente-blomme vir ontbyt, of 'n sagte lap met 'n blink draad vir 'n dramatiese aand. Ons het denim gekies. Swart denim, om presies te wees. Dit is duursaam en kan met verskillende bykomstighede verander word om by die gevoel wat jy wil skep, te pas. Om die denimtafeldoek te maak Om die hoeveelheid materiaal te bereken, meet die lengte en breedte van die tafelblad. Voeg aan al vier kante 20 cm by vir die oorhang van die tafeldoek. Dan moet jy ook 2 cm by al vier kante byvoeg vir die some. Jy kan egter self bepaal hoe groot jy die some wil maak. Onthou: Daar is spesiale denimnaalde om met denim te werk. ‘n Naald wat te dun is, sal maklik breek wanneer jy denim stik. Ons tafeldoek is omgekap met ‘n omkapmasjien, maar indien jy nie 'n omkapmasjien het nie kan jy dit met jou gewone naaldwerkmasjien sigsag. Daarna steek jy die soom vas. Vou die hoeke netjies en stik dit vas. Onthou om die some plat te pars. Ons het met twee uiteenlopende temas gespeel: "stemmig en aards" en "gek en kleurvol" – net om vir jou te wys hoe veelsydig die tafeldoek werklik is. Niks keer jou natuurlik om iets heeltemal anders te skep nie. Wie weet, dalk wil jy jou tafel "statig en elegant", of "swart en wit" maak.   Stemmig en aards Vir hierdie tafel kan jy deur jou huis loop en alle lap, houers en kerse soek wat hout, terra cotta, bruin, wit, room en groen is. Enige klippe is ook welkom! Leefstyl- en dekorwinkels het deesdae mooi en goedkoop klippe wat as maklike versierings gebruik kan word.  Tafelloper Die tafelloper dra hoofsaaklik by tot die veranderende stemmings wat jy kan skep. Vir dié tafel het ons kameelkleurige lap gekoop wat die idee van visnet gee. Jy hoef net 'n halwe meter te koop om oor die tafel te drapeer. Tafelversierings Gebruik 'n houtkissie of 'n rottangmandjie en maak 'n versameling van kerse, klippe en terra cotta-potjies met woestynrose en kerse. Ons het ook blompotte gebruik wat ons vol klippies gemaak en woestynrose ingesit het. Die wonder van woestynrose is dat hulle sonder grond en water kan oorleef vir 'n lekker lang ete.  Servette Enige servet met 'n tema van groen en aardse kleure sal goed werk. Ons het die servet om die mes en vurk gedraai en toe met raffia vasgebind. Lig Benewens die kerse in die houtkissie, kan jy ook lanterns in die bome hang, buite neersit of op die tafel sit.   Eetware Ons het ligte groen borde gebruik. Ek besef dat mens nie vir elke ete 'n ander stel borde kan gaan koop nie – maar dalk is daar 'n familielid met die regte kleur borde? Gebruik eetgerei met 'n houthef om by die tema te pas.   Gek en kleurvol Vir hierdie ene moet jy deur jou huis stap en alles soek wat kleurvol en gelukkig lyk! Die idee met dié tafel is hoofsaaklik om 'n verskoning te kry om ál die verskillende kleure kerse en servette wat na ander partytjies agterbly het, op te gebruik. Tafelloper Ons het kleurvolle sagte net in drie kleure, wat by ons ander kleure inpas, gekoop. 'n Halwe meter van elke kleur is genoeg. Op die tafel het ons elke kleur om een van die blompotte gedraai en weerskante laat afhang om staanplekke vir die borde te maak.   Tafelversierings Ons het drie glas blompotte gebruik – elkeen met 'n ander kleur water, met 'n kersie en klein geel blommetjies. Gooi die water in die blompot en kleur dit met koekkleursel om by jou tafellopers te pas. As die kleur te donker is, gooi bietjie-vir-bietjie van die water uit en maak dan weer die blompot vol totdat jy die regte kleur het. Hierdie is pragtig omdat mens deur die blompotte die res van die tafel kan sien en die kerslig daarin weerkaats. Om nog weerkaatsings te skep het ons groen glasstukke oor die tafel gestrooi. Glasstukke is dikwels by teël- en mosaïekwinkels, en plekke wat glas sny, beskikbaar.   Servette Gebruik 'n servet wat bont en kleurvol is en wat so naastenby by jou kerse se kleure inpas – of jy kan verskillende effekleurige servette gebruik. Mens het dikwels van vorige partytjies een of twee servette oor – hierdie is die perfekte manier om dit op te gebruik. Ons het hier die servette in die wynglase gesit en dit weer in die middel van die bord gesit sodat dit deel van die tafelversierings vorm.  Lig Ons het twee "versamelings" van kerse in verskillende groottes en kleure gemaak. Daar is ook kersies in die glas blompotte. Citronella kerse se geel kleur werk nie net goed saam met die kleurskema nie, dit hou ook die muskiete weg! Met al die kerse is beligting dus geen probleem nie! Niks keer jou egter om vrye teuels aan jou verbeelding te gee nie – die tema is immers "gek en kleurvol".  Eetware Wit borde skep 'n neutrale agtergrond vir al die ander kleure en gee jou oë 'n kans om te rus. Tensy jy 'n kleurvolle stel borde het en die gaste se sintuie nog verder wil stimuleer! Groen wynglase verhelder die tema verder en pas aan by die groen glasstukke.
e-pos hierdie artikel druk hierdie bladsy uit het jy al vir ons nuusbrief ingeteken?	terug na jouleefstyl volgende artikel vorige artikel
joukommentaar joubesluit beoordeel dié artikel kies een 1 dit was uitstekend 2 dit was baie goed 3 ek voel neutraal 4 dit was so-so 5 nie vir my nie jou naam* jou e-posadres* jousê  lewer kommentaar oor dié artikel * nie verpligtend
Hosted By Afrihost.com - The Best Web Hosting Ever! [ jouapplous ] [ joutuisblad ] [ stuur 'n e-pos ] [ joufiksie ] [ jouhoofstories ] [ joukontrei ] [ jouleefstyl ] [ joumenswees ] [ joupolitiek ] [ jouse ] [ jougeskenke ]