|
|
|
April
2009
Jaargang 1 Uitgawe
9 |
 |
 |
 |
 |
 |
|
|
|
|
|
|
Net omdat die winter oppad is, beteken dit nie
dat jou tuin in 'n koue, droewe dorsland moet
verander nie. Met net 'n bietjie beplanning kan
jy 'n blomparadys aanlê om jou omgewing op te
kikker. En as jy van 'n kleurvolle tuin hou, is
die wonderlike wêreld van blombolle net die
antwoord vir jou.
Om jou winter met kleur te verwarm, plant ryk
rooi, organiese oranje, prettige pienk en
giggelgeel in jou beddings en patiopotte.
Hierdie warm kleure sal die illusie gee dat jou
tuin hittegolwe uitstraal.
Blombolle is perfek vir klein tuine. Die vorm en
kleur van ongeveer twintig bolle, wat in een
area gekonsentreer is, sal definitief in 'n
klein tuin jou oog vang. Plant eerder 'n massa
bolle in een area as om hulle rond en bont deur
jou tuin te plant. Elke keer as jy deur 'n
venster op jou tuin gaan uitkyk, sal jy die
ongelooflike kleur geniet. As jy gegeurde bolle,
soos freesias, plant, sal 'n klein tuin die
heerlike geur opvang om jou nog meer plesier te
gee. |
 |
 |
|
As jy bolle in 'n groep plant, maak seker dat jy
op die pakkies lees hoe hoog hulle groei. Bolle
wat laag groei sal verlore raak in die middel of
agter in die bedding, terwyl hoër variëteite wat
voor in die bedding geplant word, die ander
plante sal laat wegraak. Kyk ook op die pakkie
wanneer die blomtyd is. As jy 'n groot fees van
kleur op een slag wil hê, plant variëteite wat
almal op dieselfde tyd blom. Alternatiewelik kan
jy dié met verskillende planttye saam plant om
van midwinter tot aan die einde van lente die
kleure te geniet.
Tulpe is die regte juwele van die wintertuin.
Elke bol gee vir jou een, pragtige, kelkvormige
blom. Bestelvorms vir behandelde tulpe is
beskikbaar van jou plaaslike kwekery of direk
van Hadeco se webwerf.
Temperatuur-gemanipuleerde tulpe moet
onmiddellik geplant word na jy hulle ontvang het.
Hulle kan warmer weer hanteer, en kan geplant
word waar hulle direkte oggend- of middagson kry.
Daar is tulpkruisings met geel vlamme wat
uitsonderlik mooi vertoon.
Ranonkels is een van die mees populêre bolle vir
winter. Hulle is koste-effektief, en lewer 'n
pragtige vertoning vir die koue seisoen. Hulle
dra groot blomme, met baie verskillende lae, wat
met die heldergroen blare kontrasteer. Kyk vir
pakkies met helder enkel kleure byvoorbeeld rooi,
oranje, donkerpienk en geel. Deur gereeld die
dooie blomme af te pluk bevorder jy die groei
van nuwe blomme. Pluk dus gerus vir jou huis
blomme want dit sal nuwe groei bevorder.
|
 |
 |
 |
 |
 |
 |
|
Inheemse freesias moet vroegherfs geplant word –
verkieslik waar hulle 'n paar uur oggendson
ontvang. Pluk hiervan ook vir jou huis – en
geniet die uitsonderlike vorms – van die
lansvormige blare tot die trompetvormige blomme
– en ook hul ongelooflike reuk.
Lachenalia (vygies) is inheems en daar is meer
as 100 verskillende soorte met hul oorsprong in
die suid- en suidwestelike streke van ons land.
Twee pragtige toevoegings tot die wintertuin is
"Robijn" en "Namaqua". "Robijn" het kenmerkende
pers op sy stam en blare, wat mooi teen die
helderrooi blomme uitstaan. "Namaqua" het
dieselfde eienskappe maar dra heldergeel blomme
met rooi of oranje punte. Alhoewel die meeste
wintersbolle in April geplant word as dit koeler
is, moet die Lachenalia reeds teen die einde van
Maart geplant wees.
Ixias is nog 'n gewilde inheemse bolplant. Die
blomme betower met veelkleurige skakerings van
rooi, geel en oranje en die donkerder,
kontrasterende middel. Ixias sal met oggend- en
laatmiddagson vir ongeveer 'n maand lank 'n
pragtige kleur aan 'n randakker of rotstuin gee.
Daar is twee belangrike reëls om te volg as jy
winterbolle suksesvol wil plant: Plant die bolle
sodra die temperature laer is en die aarde
koeler is, en moet nooit dat die grond rondom
die bolle se wortels droog word nie. Die beste
resultate word verkry as jy die bolle elke
vierde dag vir veertig minute met 'n sproeier
natspuit. 'n Deklaag sal ook help om die grond
koel en klam te hou. |
|
Interessante wenk:
Plant bolplante saam met eenjarige plante. Die
eenjariges hou die tuin interessant terwyl die
bolle groei, en wanneer die bolle begin blom
dien hulle as 'n kleurvolle agtergrond. |
|
Inligting verskaf deur Hadeco –
www.hadeco.co.za |
|
|
e-pos hierdie artikel
druk hierdie bladsy
uit
het
jy al vir ons nuusbrief ingeteken?
|
terug na jouleefstyl
volgende artikel
vorige artikel
Boekmerk dié bladsy
|
|
|
|
Hosted By Afrihost.com - The Best Web Hosting Ever!
[ jouapplous ] [ joufiksie ] [ jouhoofstories ] [ joutuisblad ] [ jougeskenke ] [ joukontrei ] [ jouleefstyl ] [ joumenswees ] [ joupolitiek ] [ jourubrieke ] [ jouse ] |
|
|
|
|
|
Opsoek na enige
onderwerp in jouwêreld?
Deursoek ons hier! |
|
|
|
