|
|
|
deur
Rosa
Myburgh
|
|
Die helder kleure van The
Sunflower Fund se bandanas
het ons geïnspireer – nie om dit
te dra nie, maar om dit as
versiering binne én buite die
huis te gebruik.
|
 |
|
Ons het ‘n klomp mooi helderkleurige bandanas by
Pick ‘n Pay gekoop en begin speel: tafeldoeke,
teemusse, vatlappies en stoelversierings. Jy kan
dit ook sommer gebruik om geskenke toe te draai.
Dit was só kleurvol dat ons heeldag net buite
wou sit, teedrink en skons met vars aarbeikonfyt
eet! Die meegaande foto’s wys inderdaad hoe
lekker ons gespeel het. |
|
|
 |
Bandana-tafeldoek
Dink eers aan jou kleurskema. Daar is baie
kleure om van te kies: pers, rooi, swart, geel,
wit, groen, blou, pienk en oranje. Jy hoef egter
nie verskillende kleure te koop nie; dit lyk
selfs mooi om net een kleur te gebruik. Daar is
twee opsies: as jy baie van jou ontwerp hou, kan
jy dit aanmekaar vaswerk. Of jy kan ‘n wit
tafeldoek oor jou tafel gooi en dit dan met
verskillende kleure bandanas “versier”. Ons het
geel, blou en pienk gekoop. Jy sit bloot net die
bandanas teen mekaar soos jy daarvan hou. So
skuins oor die tafel lyk dit baie mooi! ‘n
Volgende keer kan jy dit weer heeltemal anders
maak. As die wind dit deurmekaar en weg wil waai,
steek dit skelm aan die onderkant vas met spelde.
|
 |
|
|
|
Bandana-stoelversiering
Sodat jou stoele nie by die pragtige tafel
afsteek nie, bind ‘n bandana om die ruglening
van elke stoel. Bind dit vas, of steek dit met
spelde vas. Jy kan ook stoelkussingoortreksels
maak.
|
 |
|
|
Bandana-teemus
Maak ‘n teemus met helder vrolike kleure – wat
by jou tafel pas! Jy het ‘n teemus en ondersteun
terselfdertyd ‘n liefdadigheidorganisasie.
Terwyl die teemus jou tee warm hou, gee dit
kleur aan jou tafel. Dis ook ‘n wonderlike
geskenk wat jy binne ‘n uur kan maak. Die teemus
se grootte is 25 cm x 35 cm. Om die patroon te
maak: Meet op koerantpapier 36 cm af vir die
onderkant. Meet vanaf die middelpunt 26 cm na bo
vir die hoogte. Teken 'n boog - in die vorm van
'n teemus. Jy kan twee
verskillende kleure bandanas gebruik, aangesien
al twee kante gebruik kan word.
Benodighede:
Materiaal: 2 Bandanas (Koop by enige Pick ‘n
Pay)
Watteersel: 40 cm
Instruksies:
Knip 6 dele van die patroon uit: 2 vir die
buitekant (kleur 1), 2 vir die voering (kleur
2), en 2 dele watteersel volgens die patroon.
Band: Knip 2 reguit stroke van 38 x 6 cm.
(A). Stik 2 dele watteersel aan die twee dele
van die hoofkleur aan die ronding en sykante.
Die watteersel word aan die verkeerde kant
vasgewerk. Dop om, sodat die wattersel aan die
binnekant is.
(B) Stik die 2 voeringdele, met die regte kante
teenmekaar - stik die ronding en sykante.
Plaas voering in A. Verkeerde kant van voering
teen die watteersel. Stik al die onderkante vas,
al in die rondte.
Nou moet jy ‘n band onderaan maak:
Stik die stroke aanmekaar vas om een lang strook
te maak.
Speld die strook teen die onderkant van die
teemus vas, regte kante teen mekaar, met ‘n 1.5
cm soom. Vou die strook twee keer om en stik
sodat daar geen roukante sigbaar is nie.
Nou kan jy ‘n heerlike koppie kersietee maak en
sommer jou teemus uittoets!
O ja geniet die tee!!! |
|
 |
 |
 |
|
‘n
Gelukkige leser kan die kleurvolle bandana-teemus
ter waarde van R100 wen. Om hiervoor in
aanmerking te kom, SMS eenvoudig die woorde
JW TEE, tesame met jou naam en
e-posadres, aan 34780. |
|
 |
|
