|
Die maak van jul eie geskenkpapier is 'n lekker
aktiwiteit waarmee jou kinders graag sal wil
spog. Dit is uniek en skep 'n ander ervaring by
die ontvanger van die geskenk, dit verpersoonlik
die pakkie en jy gaan ook vir 'n hele dag jou
kinders kan besig hou.
So kan ons aanhou om die voordele op te noem,
maar kom ons vertel jou eerder hoe om jou eie
geskenkpapier te maak!
Wat het jy nodig?
●
Wit of bruin papier
●
Verskillende kleure dik waterverf (of maak dié
vakansie sommer jou eie verf)
●
Verfkwaste
●
Koerantpapier
●
Gebruikte geskenkpapier
●
Strooitjie
●
Aartappels
Wat moet jy doen?
●
Bedek 'n groot area met koerantpapier om mors te
verminder.
●
Gooi 'n bietjie verf op die papier. Hou die
strooitjie naby die verf en blaas.
●
Drukwerk: Maak stempels van aartappels.
Gebruik koekiedrukkers, verkieslik staal, in
verskillende patroontjies, soos 'n ster, 'n
sirkel, 'n kersfeesboom, ens. Sny aartappels in
die helfte oor die breedte. Druk dan die drukker
in die gesnyde deel. Terwyl die drukker nog in
die aartappel is, gebruik jy 'n mes om tot
teenaan die drukker te sny, so halwe sentimeter
diep. Trek dan die stukke aartappel rondom die
drukker af. So word die aartappel binne die
drukker jou stempel.
Doop die stempel in verf of gebruik 'n verfkwas
en verf die aartappel en druk dan op papier. Om
hierdie aktiwiteit interessant te maak kan jy
ook kurkproppe, 'n metaalpotskuurder, 'n veer,
tou of pypskoonmakers gebruik.
●
Neem gebruikte geskenkpapier en knip prentjies
en figuurtjies uit en plak hulle op witpapier.
So maak jy jou eie papier.
 Verskillende
soorte tuisgemaakte verf
●
Meng seeppoeier met 'n klein hoeveelheid water
en klits tot romerig. Kleur met voedselkleursel
of verfpoeier.
●
Meng gelyke dele water, sout en meel. Kleur en
sit dit in 'n spuitbottel.
●
Vingerverf: Meng 2 koppies seeppoeier met 1
koppie water tot dik, of
●
Meng meel, water en kleursel om 'n dik verf te
maak.
●
Meng 250 ml meel en 250 ml koue water. Voeg 250
ml suiker by en roer. Verhit totdat dit glad is.
Voeg dan 3 koppies kookwater by en verhit tot
kook. Kleur. |
 |
