|
Glo jy aan die man in die maan? Of dat die maan
van kaas gemaak is? Kom beskou dan die volmaan
van nader vanaf die Taalmonument op Paarlberg
tydens die reeks volmaanpieknieks wat tot en met
Maart 2009 daar aangebied word.
Tydens die piekniektye word al die ligte by die
monument ook afgeskakel vir 'n beter en
onbelemmerde sig van die maan.
Onthou om 'n flitslig in te pak. Geen honde of
vure word toegelaat nie.
Toegang is R10 vir volwassenes, R5 vir studente
en R2 vir kinders. Besoekers is welkom om hul
eie piekniekmandjie in te pak of 'n mandjie
vooraf te bespreek by
Uit
die Bloute, die nuwe restaurant
by die Taalmonument, by tel. 021 863 2800.
Die volmaanpieknieks vind op die volgende tye
plaas:
Vrydag 12 Desember 2008 van 18:00 tot 22:00
Die son sak om 19:53 en die maan kom om
20:04 op. Dit is die laaste volmaanpiekniek vir
2008 en 'n lekker geleentheid vir almal om die
vakansie mee af te skop.
Saterdag 10 Januarie 2009 van 18:00 tot
22:00.
Die maan kom om 19:44 op.
Dit is die eerste volmaanpiekniek vir 2009 en 'n
lekker kuiergeleentheid vir die hele gesin.
Saterdag 7 Februarie 2009 van 18:00 tot
22:00.
Dit is twee dae voor volmaan, maar die maan
sal reeds 95.8% vol wees. Die maan kom om 18:20
op.
Vrydag 13 Maart 2009 van 18:00 tot 22:00
Nie 'n bang haar op jou kop nie? Selfs nie
op Vrydag die 13de nie? Dit is twee dae ná die
volmaan, maar die maan sal steeds 95.5% vol wees.
Die son sak om 19:07 en die maan kom eers 'n uur
later, om 20:11, op.
Besprekings noodsaaklik: 021 863 2800
Interessante feite oor die maan:
●
Die maan se omtrek is 3 476km.
●
'n Mens weeg ses keer minder op die maan as op
die aarde.
●
Die maan het omtrent geen atmosfeer nie, daar
waai geen wind nie en daar is geen klank of lewe
nie.
●
Vanaf die maan sien 'n mens nie 'n blou hemel of
oranje sonsondergange nie.
●
Van een volmaan tot die volgende neem 29,53 dae
- dus kan dit gebeur dat daar twee volmane in
een maand is.
●
Die tweede volmaan staan dan bekend as 'n blou
maan.
●
Vanaf die aarde sien ons altyd dieselfde kant
van die maan.
●
'n Maansverduistering vind plaas wanneer die
maan in die skaduwee van die aarde beweeg. |
