|
Een keer per jaar op 'n
Saterdagoggend in Februarie, is
al wat leef en beef in
Potchefstroom baie vroeër as
gewoonlik buite en uit hul huise.
Almal maak seker hulle kry 'n
goeie staanplek, want die
Noordwes-Universiteit (Potchefstroomkampus)
se eerstejaars spog met hul
handewerk van hul eerste paar
weke op universiteit. Ouers kom
van heinde en verre en die hele
Potch is op straat vir hierdie
geleentheid. Gewoonlik moet jy
dan ook maar jou dinge so reël
dat jy jou inkopies eers later
daardie dag doen, want strate
word toegespan en as jy op die
verkeerde tyd in 'n straat
beland waarin die Joolvlotte ry,
kan jy maar weet jy moet baie
geduldig wees. Die eerstejaars
stap saam met hul vlotte en
gebruik ook sommer die
geleentheid om blik te skud vir
liefdadigheid. |
