|
ATKV Centurion het verlede maand aan die
gospelsangeres, Davine van der Merwe, erkenning
gegee. Nie net vir die moedige stryd wat sy teen
kanker gestry en oorwin het nie, maar ook vir
haar CD en boek waarin sy al die eer aan die
Here gee.
In haar biografie, Oasis in 'n woestyn van
kanker, vertel sy van dié stryd.
Davine was in 1998 lid van die ATKV Centurion
Sangersforum se musiektoer na Hartenbos, toe sy
die goeie nuus verneem het dat haar jarelange
stryd teen kanker verby is.
Sy is nou 10 jaar lank kankervry, en sy het dié
mylpaal onlangs met 'n lof- en
aanbiddingsbyeenkoms gevier, waartydens haar
nuutste CD, Davine 10, aan die publiek
bekend gestel is.
|
