|
Suid-Afrikaners kan met reg trots
wees – aan stuur van sake van die Moederstad,
waar die land se parlement ook gesetel is, staan
die węreld se beste burgemeester.
"Dis 'n groot eer om die
World Mayor-toekenning te ontvang."
Dit is hoe Helen Zille, die DA-leier en
burgemeester van Kaapstad, gereageer het toe sy
dié nuus ontvang het.
Sy is verlede maand deur City Mayors – 'n
internasionale dinkskrum oor stedelike
aangeleenthede – as die wenner van hul
Węreldburgemeester-kompetisie aangewys. Hiermee
het sy 820 burgemeesters van regoor die węreld
uitgestof met haar aanwysing as die beste
burgemeester in die węreld.
Tann vom Hove, die redakteur van City Mayors,
het gesę dat Zille haar persoonlike lewe daaraan
toegewy het om die welsyn van Suid-Afrikaners te
verbeter.
"Helen Zille was die beoordelaarspaneel se
eenparige keuse vir die Węreldburgemeesterprys
vir 2008. Dié besondere vrou maak 'n verskil en
gee mense hoop," het hy gesę.
"Sy het haar hele professionele lewe daaraan
toegewy om die welsyn van alle dele van die
samelewing in Suid-Afrika te bevorder. Sy het
dit met moed, deursettingsvermoë en bowenal 'n
sterk liefde vir Kaapstad, haar land en sy mense
gedoen."
Zille gee egter al die eer aan
haar kollegas en diegene na aan haar: "Dit is 'n
huldeblyk aan die spanne in die burgemeester se
kantoor, die stadsbeamptes, my koukuskollegas,
die parlementęre span en my gesin wat onverpoosd
werk om my te steun met alles wat ek doen. Dis
'n groot aansporing vir ons om aan die gang te
bly om die demokrasie in Suid-Afrika te bou, met
geleenthede vir almal. Dis 'n groot eer om die
World Mayor-toekenning te ontvang.”
City Mayors beskryf 'n uitstaande burgemeester
as iemand wat die eienskappe van grootsheid,
leierskap en visie besit, goeie bestuursvermoëns
het, maatskaplik en ekonomies bewus is, die
vermoë het om sekuriteit te bied en die omgewing
te beskerm.
'n Uitstekende burgemeester het ook die
vaardigheid om goeie verhoudings tussen
gemeenskappe van verskillende kultuur-, rasse-
en maatskaplike agtergronde te kweek.
Kommentators wat haar benoeming gesteun het,
voel dat me. Zille in 'n land sonder hedendaagse
rolmodelle, 'n verskil maak en mense hoop gee.
Die organiseerders sę dat Zille die
hartstogtelikste en welsprekendste kommentaar in
vanjaar se kompetisie gelok het: "Haar
menslikheid, sjarme, integriteit, visie en
politieke kennis is almal ewe sterk aangeprys."
Joe Seremane, DA-voorsitter, het Zille namens
die party gelukgewens en gesę dit was werklik 'n
merkwaardige prestasie om 820 benoemdes van oral
ter węreld te troef.
"Helen en haar span in die Stad Kaapstad bewys
wat 'n mens binne die DA se raamwerk van 'n oop
geleentheidsamelewing vir almal kan bereik. Ons
bewys daar ís 'n alternatief vir die ANC, en dat
dié alternatief werk," sę hy. "Ons het die moed,
ons het die visie en ons het die plan om 'n
waarlik nie-rassige alternatief vir die
regerende party te bou," sę hy.
|
