|
Paashaas draf so vinnig as wat sy bene hom kan
dra. Hy het 'n lysie gemaak van almal vir wie hy
'n paaseiers wil gee.
Hier is die lysie: Mamma, Pappa, Ouma, Sushaas, Beste maatjie – Gertjie.
   
Paashaas het sommer baie vinnig gehardloop. Toe
hy terugkom by die huis, het hy dadelik die
paaseiers in sy kas gaan weg steek. Hy wou nie
hê dat almal van sy planne moes weet nie, want
dit moet mos 'n verrassing wees!
Die volgende oggend is hy vroeg wakker en begin
om sy paaseiergeskenke te versier, maar arme
Paashaas het sommer gou baie moeg geraak.
Wil jy hom nie help versier nie?
(Kliek op die prentjie vir
'n groter weergawe om uit te druk.)
Hasie was so moeg, hy het vroeg al in die bed
gekruip.
"Kan ek vir jou 'n storie vertel, Hasie?" vra
Mamma.
"Asseblief, Mamma" sê Hasie.
Mamma gaan haal 'n kinderstorieboek en begin
lees, maar sy het skaars 'n bladsy klaar gelees
toe is Hasie al vas aan die slaap.
Die volgende oggend is Hasie weer vroeg wakker
en flink uit die vere.
Vandag is die groot dag: hy moet die paaseiers
gaan wegsteek.
Ouma en Oupa se eiers steek hy in die tuin by
die rose weg.
Kan jy vir ouma help om met die paadjie by die
eiers uit te kom?
Vir sy sussie maak hy dit baie moeilik,
die mandjie met eiers is in 'n doolhof
weggesteek.
Miskien sal sy dit vinniger kry as jy haar
help?
(Kliek op die prentjie vir 'n
groter weergawe om uit te druk.)
Nou moet jy vir Gertjie, Hasie se maatjie, ook
help.
Gebruik eers jou vinger om die paadjie na die
eiers toe te soek. Gebruik nou 'n blou kleurkryt
en teken die paadjie na.
Baie dankie dat jy vir Paashaas en sy
haasfamilie gehelp het . . . hulle gaan te
heerlik aan hul paaseiers smul.
|
