Wen 'n dubbelkaartjie na Prime Circle se optrede in Kaapstad. |
||||||||||||||||||||
Platinum-sukses vir Prime Circle |
|
|||||||||||||||||||
|
Prime Circle word in die musiekbedryf as een van Suid-Afrika se grootste uitvoerprodukte beskou. Met hul harde rock-gedrewe kitaarspel, sterk lirieke en konsekwent vermaaklike opvoerings het hulle diep spore in die musiekwêreld getrap. Nadat hulle, moeg maar tevrede, van 'n baie suksesvolle toer na Indië teruggekeer het, het hulle uitgevind hul derde album, All or Nothing, het platinum-status bereik. Om platinum-status te bereik, is vir die groep, bestaande uit Learmonth (sanger en kitaar), Dale Schnettler (tromme), Dirk Bisschoff (kitaar), Neil Breytenbach (klawerbord) en Marco Gomes (baskitaar) voorwaar 'n eer. Veral na nege jaar van harde werk en opofferinge. Die groep toer sedert die vrystelling van hul album in 2008, sonder ophou. Die snitte Out of this place, She always gets what she wants en Consider me het vir ondersteuners 'n onmiddellike gunsteling geword. Sedert Prime Circle van hul toer vanaf Indië teruggekom het, het laasgenoemde song tot bo aan dié land se nasionale treffersparade gestyg. Vir meer inligting kontak Franie Kotzé van Prime Circle Management by franie@primecircle.co.za
Prime Circle speel op Sondag, 28 Februarie 2010, by die Kirstenboschtuine in Kaapstad.
1 Gelukkige leser kan 'n dubbelkaartjie na dié vertoning wen. Om vir dié prys in aanmerking te kom, SMS die woorde JW PRIME, tesame met jou naam en e-posadres, aan 36545 voor 20 Februarie 2010. Old Mutual Summer Sunset Concert-program in die Kirstenboschtuine * Kaartjies kos R95 per persoon vir volwassenes, met verlaagde tariewe vir lede van die Botaniese vereniging (R85) en skoliere (R80).
| ||||||||||||||||||||
“Ons het ons harte en siele in hierdie album gestort,” verduidelik die hoofsanger, Ross Learmonth. “Ons Suid-Afrikaanse ondersteuners het bewys hulle geniet die album net soveel soos ons dit geniet het om dit te maak.”