Vir die fynproewer jouapplous hoofinhoud terug na jouapplous volgende artikel vorige artikel Die room van Afrikaanse kunstenaars tree op by die musiekkarnaval by Carnival City.  Musiekliefhebbers van Gauteng kan nou die laaste maand van die somer afsluit met 'n Afrikaanse Musiekkarnaval by Carnival City aan die Oos-Rand. Dié musiekfees – wat deur Lefra Produksies aangebied word – duur van 6 tot 28 Maart van Vrydae tot Sondae, en sluit die room van die Afrikaanse musiekbedryf in. Met hul keuse van kunstenaars het Lefra spesifiek agt kunstenaars gekies wat bekend is vir hul professionaliteit en kwaliteit, maar wat nie gereeld op die kommersiële verhoog gesien word nie. Die fees word op Vrydag, 6 Maart, deur die rock-band Snotkop om 20:00 afgeskop. Volgende aan die beurt is Jan Blohm (7 Maart, 20:00), Mathys Roets (8 Maart, 16:00), Sarah Theron (13 Maart, 20:00), Izak Davel (14 Maart, 20:00), Randall Wicomb (15 Maart, 16:00), Coenie de Villiers (22 Maart, 16:00) en Laurika Rauch (27 en 28 Maart, 20:00).  Frans Swart, Besturende Direkteur van Lefra Produksies, sę hiérdie is hulle eerste musiekkarnaval by Carnival City. "Ons het probeer om vir oud en jonk iets aan te bied, maar veral om op kwaliteit te konsentreer. En dalk het ons probeer om so bietjie weg te beweeg van die kommersiële kunstenaars wat ons baie meer in ander produksies gebruik en sien. Hierdie Musiekkarnaval is werklik vir die fynproewer in Afrikaanse musiek." Meer oor die kunstenaars: Snotkop Met meer as 35 000 albums al verkoop, is Snotkop terug met sy splinternuwe, windgat, trefferbelaaide album, So Damn Sexy. En op Vrydag, 6 Maart, is hy die eerste kunstenaar in aksie tydens vanjaar se musiekkarnaval. Na sy baie suksesvolle debuut-CD, wat baie vinnig goue status bereik het, het hy nie minder as nege nominasies en vier toekennings ontvang – waarvan twee MK-toekennings was, asook 'n Vonk-toekenning vir Beste Rock-album. Sy DVD, Snotkop - Spring Lewendig, is ook verlede jaar genomineer vir 'n SAMA-toekenning. Die nuwe album is 'n heerlike mengsel van retro-beachboy geďnspireerde pop en lekker oorspronklike Snotkop-styl Pop Rock. Jan Blohm Op Saterdag, 7 Maart, is Jan Blohm op die verhoog. Hy skryf gedigte vandat hy kan onthou, en hoewel sy groot invloed Engelse musiek is, is Afrikaans sy eerste keuse. Afrikaans is vir hom heilig en hy is baie lief vir die digkuns en probeer die digterlike eienskap aan sy musiek gee. Jan was nog altyd aangetrokke tot die musiek van Chuck Berry en die ou rock 'n roll-pioniers. Hy't altyd na B.B. King en Muddy Waters geluister en plaaslik is die CD's van Anton Goosen, Piet Botha en Gian Groen nooit ver weg nie. Hy was met die 14de jaarlikse SAMA-toekenningsaand verlede jaar bekroon met 'n toekenning in die kategorie Beste Afrikaanse DVD van die Jaar. Mathys Roets Sy sangloopbaan het byna twee dekades gelede afgeskop met musiek van verskeie legendes soos Koos du Plessis en Leonard Cohen. Vanjaar bereik Roets se sangloopbaan nuwe hoogtes met sy huldeblyk aan die drie meesters van musiek en liriek, Cat Stevens, Roger Whittaker en Niel Diamond.  "Almal is altyd besig om oorspronklike musiek te bevorder, en hoewel dit vir my sin maak, bly ek eerstens 'n sanger en ek moet sing waarvan ek hou en wat by my styl en stem pas," glo Roets. Op Sondag, 8 Maart, kan aanhangers Mathys in die huldeblykproduksie in samewerking met die veelsydige musikant Matthys Maree op die Mardi Gras-verhoog geniet.  Sarah Theron   Sy staan bekend as die "Vurige Diva" in Suid-Afrikaanse musiekkringe. Sarah het letterlik vlam gevat met ons inheemse style en musiek en nou is sy "Diva RSA". Sarah sing al 24 jaar lank voor gehore van alle soorte en smake, waarvan die laaste 15 jaar ten volle professioneel. Haar werk strek oor baie genres – uitgevoer in orkesoptredes, pantomimes, musiekblyspele en kabaret. Sy het waardevolle ondervinding opgedoen in die eerste 5 jaar van haar sangloopbaan deur amper uitsluitlik buitelugoptredes saam met live bands te doen. Dit verduidelik dalk waarom Sarah ewe tuis is met Rock, Jazz, Pop, Gospel, Blues en selfs Kunsliedere. Wees gewaarsku: na afloop van Sarah se vertoning op Vrydag, 13 Maart, mag jy dalk DiVA-karaktertrekke openbaar!   Izak Davel   Terwyl Izak besig was om die TV-skerms aan die brand te speel as Egoli se populęre Scab, was hy ook hard aan die werk agter die skerms om 'n ander droom te vervul. Aanhangers kan Izak op Saterdag, 14 Maart in aksie sien. Izak het sy debuut-CD, Ken Jy My?, onlangs vrygestel, en dis reeds besig om groot impak te maak. Volgens Werner Beukes van Globo Music International, gaan die Suid-Afrikaanse publiek nie weet wat hulle getref het as hulle Izak hoor sing nie.  "Hy gaan, volgens my mening, die Afrikaanse weergawe wees van Enrique Iglesias," vertel Werner.  Sy album Ken Jy My? is 100% trots-Afrikaans, en sluit liedjies uit die pen van Johan Vorster in. Randall Wicomb Gehore in Gauteng is bevoorreg om Randall in een van sy min optredes hier op die verhoog te sien op Sondag, 15 Maart. Oor die verloop van meer as drie dekades is hy 'n ikoon in die Suid-Afrikaanse musiekindustrie, 'n dryfveer agter Afrikaanse volksliedjiekomposisies en die interpretasie daarvan. In sy luisterryke loopbaan het vele van sy vrystellings goue status behaal. Sy gevoel vir węreldmusiek is duidelik as 'n mens dink aan onvergeetlike treffers soos Duitswes Wals, Die Blommeverkopers van Adderleystraat en Snoektyd in die Kaap. Sy mees onlangse vrystelling is Hie langes my – Griekwapsalms en ander Tekste. Behalwe kunstenaar is Randall ook 'n kopersmid, pottebakker, gesondheidsfanatikus en hy kweek bonsai-boompies. "Ek is verlief op die lewe!" sę Randall laggend.  Coenie de Villiers Woordsmid, musikant en sanger Coenie de Villiers skuif agter die vleuelklavier in vir 'n musiekfees soos min op Sondag, 22 Maart. Hy speel liedjies vanaf sy jongste CD wat volgende maand vrygestel word, asook komposisies vanaf sy 2008-album, Weerlig oor die See. Hierdie album word deur kritici as een van die beste Afrikaanse albums in die geskiedenis beskou. Daar is bekende treffers in 'n nuwe gedaante, en dan is daar altyd 'n skeut blues soos net Coenie dit kan doen. Is dit die woorde of die melodieë wat 'n mens bybly? Kom luister self na Coenie!  Laurika Rauch Die legendariese Rauch sluit die Musiekkarnaval op 27 en 28 Maart af. Haar sangloopbaan het in 1976, met die begin van televisie in Suid-Afrika, afgeskop. Sy is deur Stephan Bouwer gevra om te sing in die program Fyn Net van die Woord, en toonsettings te doen van Afrikaanse gedigte, soos die nou reeds bekende Toemaar die donker man, 'n gedig van Ingrid Jonker. Haar rol in die ontwikkeling en vestiging van die nuwe Afrikaanse lied is reeds geskiedenis. Deur die loop van haar loopbaan was daar 'n hele paar optredes in Europa en Oos-Europa, daar was TV-optredes, teaterproduksies en tussendeur is sy soms ook stem- en produksieregisseur. Een van haar mees onlangse bydraes tot ons musiekerfenis, is die twee en 'n half uur lange DVD wat sy en regisseur Johan Badenhorst, saamgestel het uit die programme van die kykNetreeks: Kom Laat ons Sing –'n Musikale reis van Laurika Rauch, wat handel oor die ontwikkeling van die Afrikaanse liedjie sedert die dertigerjare. As 'n mens kyk na Laurika Rauch se enorme bydrae tot die Afrikaanse liedereskat – bykans 220 nuwe liedjies wat sy oor die jare aan die publiek bekendgestel het - kan 'n mens nie anders as om te wonder wat se groot dinge dalk nog voorlę nie!   Besprekings by Computicket: Skakel (011) 340 8000 of besoek www.computicket.com Om afslag te kry vir groepe van 10 of meer mense, kontak Cecile by (011) 815 3000. Skole, kerke en diensorganisasies kan ook fondse met van hierdie produksies insamel. Skakel vir Cecile by (011) 815 3000. Besoek ook www.lefra.co.za vir meer inligting. jougeskenke 8 gelukkige lesers kan elkeen 'n dubbelkaartjie wen vir een van die vertonings van die Afrikaanse Musiekkarnaval. Kies eenvoudig die kunstenaar wie se vertoning jy graag gratis wil gaan sien, en SMS die korrekte ooreenstemmende kode te same met jou naam en e-posadres, na 35570. Kies 'n kunstenaarskode: JW SNOTKOP JW BLOHM JW ROETS JW SARAH JW IZAK JW RANDALL JW COENIE JW RAUCH Wenners sal die Donderdag voor die vertoning gekontak word, waarna die kaartjies op die spesifieke aand by die loket by die teater afgehaal kan word. Lees meer oor dié en ander kompetisies in jouwęreld.
e-pos hierdie artikel druk hierdie bladsy uit het jy al vir ons nuusbrief ingeteken?	terug na jouapplous volgende artikel vorige artikel   Boekmerk dié bladsy
Hosted By Afrihost.com - The Best Web Hosting Ever! [ jouapplous ] [ jouhoofstories ] [ jousę ] [ jourubrieke ] [ joupolitiek ] [ joumenswees ] [ joutuisblad ] [ joukontrei ] [ jouleefstyl ] [ joufiksie ]

Opsoek na enige
onderwerp in jouwęreld?
Deursoek ons hier!