Lesersbriewe jousê hoofinhoud terug na jousê volgende artikel vorige artikel   Boekmerk dié bladsy Hester Coetsee van Lephalale skryf: Baie Dankie weereens vir die wonderlike voorreg om so 'n lekkerlees tydskrif gratis te kan indrink – want dis presies wat ek doen! Elke nuwe uitgawe is 'n genotvolle verkenning. Ek het uiteindelik moed bymekaar geskraap en 'n foto van my met my spogprys laat neem (op 57 doen mens nie meer graag hierdie dinge nie!) Ek het die boek verskriklik geniet, kon dit net nie neersit nie. Vir jare al is ek 'n groot aanhanger van PG du Plessis. Ek beleef elke boek as 'n treffer, elkeen op sy eie manier 'n wenner. Dis 'n voorreg om sy werke te besit en ek sê weer BAIE DANKIE! Sterkte vir al julle harde werk sodat ons dit kan geniet. Groete Stephanie van Niekerk, skryf: I read your article on http://www.jouwereld.co.za/jl_hartmode.htm in regards to the IFS. Having been there myself I am extremely disappointed that you would actually give it any publicity as it is a huge INTERNATIONAL FAKE SALE and all the flea market vendors trying to pawn their goods off to the public as the real deal. As for your section quoting Marc Israelsohn: “Volgens Marc Israelsohn, uitvoerende hoof van Global Village, beplan hulle om hierdie jaar verskeie projekte te loots om minderbevoorregtes te help. Dit sluit in beurse vir voornemende mode-ontwerpstudente, 'n mikroleningstelsel vir opkomende ontwerpers en boonop beplan hulle om belowende studente na oorsese modeweke in Parys, London, Milan en New York te stuur om só blootstelling aan die internasionale mode-wêreld te kry.” He never follows through on these grant promises as he did the exact same thing two years ago playing to gullible journalist like yourself who never follows up to see if they actually make good on their grant public promises. (Lesers wat die International Fashion Sale bygewoon het, of dalk 'n opinie het om te deel, skryf gerus aan ons by redaksie@jouwereld.co.za)   Aaltje, wenner van die Matthys Roets konsertkaartjies by Carnival City, skryf: Wil net weer baie dankie sê, dit was 'n heerlike bederf en ons het Mathys sommer baie geniet! Lekker dag   Lizette Wentzel (hubert.wentzel@absamail.co.za), Pretoria, skryf: Ek is betrokke by ons kerk en ons het jaarliks 'n kamp vir kindertjies van 3 jarige ouderdom tot en met Graad 5.  Ek is altyd opsoek na vars idees wat speletjies aanbetref om die kinders besig te hou. Sal dit waardeer indien julle my dalk kan help? Dankie   Christo du Plessis (Pretoria) skryf: Dankie dat jy en jouwereld skryf lekker maak.   Christa Jonker-Jordaan (Bloemfontein) skryf: Hallo julle Ek wil net sê dat ek baie bly is dat ek een van julle medewerkers geword het. Dit is so lekker om positiewe terugvoer te kry. Na 4 boeke gee dit my nog 'n ongelooflike groot lekkerkry! Ek lees eenmaal 'n onderhoud met Jonathan Rhys Meyers, waar in hy die volgende sê, ek haal aan: "What do I get out of it at the end of the day? Money. I get to travel around to different places. I get--for 10 to 12 hours a day--to not really be me. It's great escapism. It can be very fucking therapeutic. But it's not something that's immediately satisfying. Sure, it's satisfying when a film you're in breaks $300 million at the box office, and the next thing is you get a $5 million offer, and there are awards flying about the place. But more often it's not. Every so often someone comes up and says, "Hey, I saw you in that movie. It was great!" And I'm like, "Yeah, thanks very much." And that's where the satisfaction comes in." Om te skryf dink ek is op die ou end ook dit: Dat iemand vir 'n kort oomblik plesier in jou woorde vind. Dankie vir 'n  oulike tydskrif  op die net!   Marie Vos skryf: Dankie vir 'n pragtige tydskrif elke maand - MAAR hoekom is daar dié maand nie meer 'n debatsforum nie? Ek het almal se menings baie geniet en lekker vir sommige gelag! Bring dit terug asseblief! Redaksie-kommentaar: Jy is reg: ons Desember-uitgawe het wel nie 'n debats-onderwerp gehad nie, maar vanaf dié maand is dié afdeling weer terug waar lesers hul menings kan lug en mekaar op die debatsfront kan aanvat.   Jolene en Willem Ruthven (Oos-Rand), skryf: Goeie More Graag wil ek net julle hele span bedank vir die GROET DIE GROTVROU kaartjies.  Groot was my verbasing toe Jaco my bel en se ek het 2 kaartjies gewen. Baie dankie vir n wonderlike aand van ontspanning ek en my man het dit baie geniet. Dankie ook vir n lekker tydskrif en ek kyk uit vir die “cocktail” resepte. Redaksie-kommentaar: Bly julle het die vertoning geniet! En hoe het die kop toe gevoel die dag ná die “cocktails”?   Pieter Grobler (pwag@shaw.ca) Kananda, skryf: Goeienaand. Alla maskas hoe lekker is dit om weekliks iets te lese te ontvang. Baie dankie. Ek is Pieter Grobler wat vroëer daar in die ou Transvaal, wes van Pretoria en ook so 25 myl wes van die Hartbeespoortdam aan die noord-hange v/d Magaliesberge gewoon het. Ons plaas was Buffelsfontein, en ons naaste dorpie was Mooinooi. Ek is 'n afgetrede onderwyser en hoof, en het reeds in 1966 hier na Alberta, Kanada getrek. Het vroëer in Bronkhorstspruit, toe in Wartburg en Pietermaritzburg, Natal, skoolgehou. Ook in Tsumeb, Suidwes Afrika. Toe hier na Kanada, waar ek skoolgehou en verder studeer het. Het toe na altesaam 43 jaar in die onderwys, afgetree. Ons woon nou al 35 jaar in Canmore, 'n dorpie van so 12 000 inwoners in die Rotsgebergtes wes van die Stad  Calgary in die provinsie Alberta. Destyds toe ek hierheen as ongetroude jong man gekom het, het ek in my woonstel soos 'n gekke met myself Afrikaans praat om tog te verseker dat ek nie my taal verloor nie. Ek het so na my kultuur verlang dat ek o.a. vir myself biltong en boerewors leer maak het. My ousus van Krugersdorp het vir my 'n Kook en Geniet gestuur en ek het geleer om karringmelkbeskuit en ander knop-in-die-keel-verlang-disse te maak. Na sowat drie jaar hier ontmoet ek 'n Vlaamse nooi aan die universiteit. Ons is na drie weke getroud, het twee kinders gehad — wat Afrikaans vlot praat. Dis nou baie jare later en hulle het albei hul eie kinders, maar praat nog pragtig Afrikaans met my en Frans met my vrou. Oor die byna 43 jaar wat ek hier woon is ek elke 3 of 4 jaar terug Republiek toe om by my ouers en susters te kuier. Ek dink elf keer — tot albei my ouers 'huistoe' is, soos my Ma dit genoem het. Ek en Mirjam lees albei graag en sal sekerlik lekker lees aan Jouwêreld. As daar Afrikaners is wat met my wil kommunikeer (Mirjam praat Nederlands en Frans) skryf asseblief aan: pwag@shaw.ca   Etienne Marais (etiennemarais1990@gmail.com), skryf: Beste Jou Wereld Tydskrif My naam s Etienne Marais en ek is 18 jaar oud. Iemand het 'n ruk gelede aan TV Plus 'n brief geskryf om te se hoe gekant hy teen Harry Potter is. As 'n Christen wil ek net se dat ek saam stem met dit wat hy gese het oor hoe duidelik die Bybel se moet niks met towenaar goed te doen he nie. Toe ek 14 jaar oud was het ek stemme gehoor wat oor en oor in my kop 'Harry moet weg' gese het. As 'n Christen wil ek graag almal wat mal is oor Harry Potter vertel dat hulle nie die selfde stemme wat 'Harry moet weg' se wil hoor as  wat ek gehoor het nie. E het al baie gebid vir die bekerings van almal wat met Harry Potter te doen het en e-posse gestuur om hulle van God se liefde te vertel en ek sal aanhou om vir hulle bekerings te bid. Vriendelike groete   Zalome Arnott van Phoenix, Arizona, V.S.A., (zalome@cox.net) skryf: Ek kry "JouWêreld" vanaf die eerste publikasie. Ek dink dit is fantasties om sulke waarde heel gratis vry en verniet te kan kry. Baie dankie vir al die goeie raad en inteligente artikels en lekker stories wat mens kan lees. Dit is nog lekkerder as julle na my adres kyk, want hier waar ek is is daar nie Afrikaans nie. Niks! Ek het toe maar met 'n Afrikaanse groep, ook op Google, begin. Dit help bietjie vir my dors en verlange na Afrikaans lees en praat. Op die manier het ek honderde Afrikaanse vriende bygekry, onder ander baie wat in dieselfde bootjie is as ek.   Mense hier is nie gasvry nie en maak beslis nie maklik vriende nie. Na vier jaar weet ek net wat 4 van die 5 buurhuise se mense se name is. 2 se huismense het ek ontmoet, en een, sy is 'n Duitse dame, het ek 'n paar keer by gaan kuier. Oor die algemeen is daar niks van net gou inval en dagsê en drink 'n koppie koffie nie. Ai!!!!! Daar is net een probleempie. Al die kompetisies verwag dat mens dit of dat as antwoord moet SMS. Wat van ons mense wat nie selfone het nie. Dit is mos diskriminasie. Miskien is dit heel ongewoon as mens in hierdie moderne tyd leef sonder 'n selfoon vasgeplak aan jou oor! Kan dit maar nie 'n epos ook wees nie? Ek sou graag aan die wedstryde wil deelneem maar het 'n nie 'n selfoon nie. jouwêreld-redaksie antwoord: Liewe Zalome, klink of jy maar eensaam sonder Afrikaans is daar in die verte van die VSA. Jong, jy het natuurlik 'n alternatief: kom terug Suid-Afrika toe! Gelukkig is jouwêreld darem nou daar om jou ergste verlange te stil! Oor jou vraag oor die kompetisies: Die buitemaatskappy waarvan ons gebruik maak om die kompetisies te administrateer, maak slegs voorsiening vir SMS-inskrywings. Verder versend die borge van die kompetisies slegs pryse na Suid-Afrikaanse adresse. Dit beteken ongelukkig dat Afrikaanssprekendes wat in die buiteland woon, of lesers wat nie oor 'n selfoon beskik nie, ongelukkig nie aan die kompetisies kan deelneem nie. Jammer – maar dit is ongelukkig faktore buite ons beheer!
e-pos hierdie artikel het jy al vir ons nuusbrief ingeteken?	terug na jousê hoofinhoud volgende artikel vorige artikel
Hosted By Afrihost.com - The Best Web Hosting Ever! [ jouapplous ] [ joufiksie ] [ jouhoofstories ] [ joutuisblad ] [ jougeskenke ] [ joukontrei ] [ jouleefstyl ] [ joumenswees ] [ joupolitiek ] [ jourubrieke ] [ jouse ]

Opsoek na enige
onderwerp in jouwêreld?
Deursoek ons hier!